24 dagar

 

Eftir tvær vikur af sult og seyru er Naglinn aftur komin á eðlilegt mataræði og hefur endurnýjað kynni við ýmsar tegundir af mat sem var sárt saknað.  Þessum tveimur vikum lauk reyndar með feitum "refeed" degi þar sem Naglinn átti að úða í sig meira en hálfu kílói af kolvetnum.  Og við erum ekki að tala um hýðisgrjón og haframjöl ó nei.... morgunkorn, brauð, flatkökur, rúgbrauð, tortillur..... enda var Naglinn með væna óléttubumbu eftir þessa veislu.... og sælubros alla helgina. 

Í dag er mæling svo þá kemur í ljós hvort eitthvað hafi heflast af manni.  Reyndar fékk Naglinn tvö mjög jákvæð komment í ræktinni í gær sem peppuðu upp sjálfstraustið.  Einn sagði að kellingin yrði greinilega massífari á sviði nú en í fyrra, það væru greinilegar bætingar á skrokknum. 
Svo sagðist Löggan sjá hellings mun síðan hún sá Naglann síðast fyrir tveimur vikum.

Í dag eru ekki nema 24 dagar í keppni og ekki laust við að nú sé stressið farið að síga inn.  Reyndar hugsar Naglinn meira um að nú eru 24 dagar í pizzu, suðusúkkulaði, rauðvín, lakkrís, dökkar súkkulaðirúsínur, hraunbita, þrist.... 

Athugasemdir

[Audrey, 29.10.2008 kl. 12:02]

... mohijto, Rískubba, ristað brauð, kókópuffs mmmm...

Láttu endilega vita hvernig gengur í mælingu, þetta er það sem lífið snýst um þessa dagana hjá manni :) 

Hriiikalega er stutt í þetta allt í einu!

[Ragnhildur Þórðardóttir, 29.10.2008 kl. 12:22]

Ha ha... þú ert greinilega í sömu pælingum og ég með mat á heilanum. Já læt þig vita um mælinguna.

[Audrey, 30.10.2008 kl. 09:46]

Jæja - hvernig gekk?

[Ragnhildur Þórðardóttir, 30.10.2008 kl. 10:52]

Þetta mjakast.... ekki samt nógu mikið  og er ennþá sky-high í %, það er aðallega þríhöfðinn sem er að toga það upp.  Kviðurinn er samt að nálgast það sem hann var í keppni í fyrra.  Það verður bara harkan átján næstu 23 dagana og þá hætti ég bara við á síðustu stundu ef ég verð algjörlega úti á túni með skurðinn á keppnisdegi.

[Audrey, 30.10.2008 kl. 11:12]

Ohh I feel your pain! En Það er ekki eins og við séum fitumældar á sviðinu. Samt pirrandi, skil of vel sko... en það hættir enginn við neitt, það er bannað núna!