Hnetusmjör.... gimme more

Margir forðast hnetusmjör og halda að þar sé argasta óhollusta á ferðinni.  En það er mikill misskilningur.

Það er hins vegar mjög mikilvægt að velja náttúrulegt hnetusmjör en ekki fabrikkuviðbjóðinn sem er sneisafullur af transfitu. 

Náttúrulegt hnetusmjör má þekkja á því að olían sest ofan á hnetusmjörið.  Henni er svo hrært við smjörið þegar krukkan er opnuð. 

 

 Hnetusmjör er afbragðs fitugjafi, með um 53 g af fitu í 100 g, að stærstum hluta ómettaðar fitusýrur.  

Gagnsemi ómettaðra fitusýra eru vel þekktar.

Meðal annars má nefna: 

 

•  hjálpar til við myndun hemóglóbíns sem flytur súrefni um líkamann og hefur þannig jákvæð áhrif á hjarta- og æðakerfið  
• jákvæð áhrif á skjaldkirtilshormón sem hjálpar til við brennslu á líkamsfitu 
• minni líkamsfita dregur úr insúlínónæmi sem er helsti orsakavaldur sykursýki II 
• umlykur frumur og heldur bakteríum og vírusum í burtu 
• heldur liðamótum vel smurðum 
• bætir ónæmiskerfið 

 

Hnetusmjör er mjög hitaeiningaríkt eða um 650 hitaeiningar í 100 grömmum og því er mikilvægt að passa skammtinn.  15 grömm er hæfilegur skammtur fyrir þá sem eru að grenna sig, en fyrir þá sem eru að byggja sig upp eða viðhalda þyngd geta borðað allt upp í 30 grömm í einu.

Hnetusmjör er mjög mettandi vegna fitumagnsins og hitaeininganna, svo maður er saddur lengi á eftir. 

Uppáhalds hollustumáltíð Naglans þessa dagana er súkkulaði prótín sjeik hrærður þykkur eins og búðingur og hnetusmjör á kantinum dýft ofan í með skeiðinni.  Hver þarf svindldag þegar maður fær svona gúmmulaði daglega? 

 

Athugasemdir

[Nafna (IP-tala skráð) 23.1.2009 kl. 11:00]

Jummí, það actually hljómar nokkuð vel, hvernig blandarðu sjeikinn svona þykkan? ;) Fær maður svona hollt hnetusmjör í stærri verslunum?

[Hrund (IP-tala skráð) 23.1.2009 kl. 11:07]

mmm... þarf að prófa þessa aðferð. Ég smyr hnetusmjöri stundum á eggjapönnukökuna mína ef ég set súkkulaðiprótein út í hana og það er GOTT!

[Steinar (IP-tala skráð) 23.1.2009 kl. 11:29]

Já ég væri forvitin að vita hvernig þú gerir prótein shake'inn þykkan!

[Íris (IP-tala skráð) 23.1.2009 kl. 11:51]

ég set alltaf vatn, (stundum smá mjólk) og slettu af skyri og í blender í svoldinn tíma..þá verður hann þykkur og góður :)

[Ragnhildur Þórðardóttir, 23.1.2009 kl. 13:35]

Lykilatriði er góður blandari sem hefur nokkrar hraða stillingar. Fyrst set ég klaka, alls ekki of mikið samt, og myl hann niður. Svo setur maður prótínduftið, og c.a 100 ml af vatni. Galdurinn er að setja lítið af vatni og bæta frekar við eftir þörfum og óskum um þykkt: Meira vatn => þynnri sjeik.

Síðan er hrært á hægri stillingu í 2-3 mín til að fá búðings "effektið". Athugið að ekki allt prótínduft blandast við klaka. Naglinn notar prótínduft frá Scitec og Optimum nutrition sem hvoru tveggja hrærist í klaka og verður þykkt og jammí :-p.

Nafna! Náttúrulegt hnetusmjör fæst t.d í Hagkaup frá Himneskt (Solla), eða Rapunzel.

[María (IP-tala skráð) 23.1.2009 kl. 14:40]

Snildar hugmynd.  Ég fékk hnetusmjör frá Hinmneskt (Solla) í Bónus í vikunni =)

[Nafna (IP-tala skráð) 23.1.2009 kl. 16:33]

Takk kærlega fyrir svarið, alltaf hægt að stóla á þig ;)

[Ragnhildur Þórðardóttir, 24.1.2009 kl. 11:04]

Júlli! Ég er einmitt með eina svoleiðis máltíð á planinu mínu, kjúlli með hnetusmjöri.... alveg eins og "satay chicken" jammí. Ég er orðin algjör hnetusmjörsfíkill, þarf að vigta skammtinn annars myndi ég bara tapa mér í krukkuna.

[r (IP-tala skráð) 24.1.2009 kl. 12:38]

Júlli og Ragga!

Þið þurfið eiginlega að gefa uppskrift af þessum snilldarréttum ;)

[Fjölnir (IP-tala skráð) 24.1.2009 kl. 18:48]

drasl-hnetusmjörið er líka oft uppfullt af kolvetni... hvurn fjárann á að að þýða???

[Hrund (IP-tala skráð) 25.1.2009 kl. 02:09]

Hvað ertu að fá þér marga skammta af 14gr á dag?

[Hrund (IP-tala skráð) 25.1.2009 kl. 02:10]

...ég meina 15gr?

[Ragnhildur Þórðardóttir, 25.1.2009 kl. 10:03]

r! Það er í raun engin uppskrift. Þú kokkar bara kjúlla eftir smekk og smyrð svo hnetusmjöri á kjúllann.

Fjölnir! Er það ekki bara viðbætti sykurinn sem keyrir upp carbið?

Hrund! Það er misjafnt eftir dögum, suma daga einn 25 grömm, suma daga tvo 15 grömm, fer eftir hvaða þjálfun er í gangi þann dag: cardio eða lyftingar.