Breytt plön Naglans

Eftir langa umhugsun hefur Naglinn ákveðið að hætta við að keppa um páskana.  Ástæðurnar fyrir þessari ákvörðun eru margar, en sú sem vegur þyngst er að Naglinn er langt langt frá því að vera sátt við eigin líkama.  

Naglinn ætlar því að taka sér góða pásu og vinna í því að koma brennslukerfinu á réttan kjöl með því að æfa og borða rétt.  Markmiðið er að bæta meira kjöti, sérstaklega yfir axlir og handleggi og láta vöðvamassann brenna fitunni, frekar en að mygla á þessum helv.... brennslutækjum.

Þjálfi var mjög sáttur við þessa ákvörðun Naglans.  Planið núna er að skafa aðeins meira af lýsinu til að Naglanum líði vel í uppbyggingartímabilinu því það er óhjákvæmilegt að bæta á sig smá fitu samhliða vöðvum.  Þegar Naglinn er orðin sátt mun uppbyggingin hefjast.  

Naglinn mun ekki gefa út neinar yfirlýsingar núna um næstu keppni.  Naglinn hefur lært af biturri reynslu frá síðustu keppni að það er ekki gáfulegt að velja dagsetningu og byrja að skera.  Nú mun Naglinn skera sig niður og velja síðan dagsetningu fyrir keppni.   

Athugasemdir

[Ragnhildur Þórðardóttir, 15.2.2009 kl. 12:36]

Júlli minn, maður er auðvitað aldrei sáttur við sjálfan sig, daginn sem það gerist á maður að hætta í þessu sporti segi ég. En miðað við formið á þér í nóvember þá hef ég fulla trú á þér fyrir páskana. Þú hefur minn stuðning 100% og ég hef fulla trú á að þú takir þetta núna.

[Hrund (IP-tala skráð) 16.2.2009 kl. 09:21]

Já það er allavega gott að vera búin að taka ákvörðun, það er meira en ég get sagt Ég skipti um skoðun frá degi til dags hvort ég eigi að keppa eða ekki.... er eitthvað hrikalega óákveðin. Er bara ekki alveg að finna taktinn í þetta skiptið...

[Nanna (IP-tala skráð) 16.2.2009 kl. 09:48]

Ég er einmitt ósammála, ef maður er ekki sáttur við sjálfan sig á maður ekki að keppa, en ef maður getur verið sáttur sjálfur á maður endilega að drífa sig upp á svið ! Auðvitað finnst manni maður aldrei vera 100%, en sáttur á maður að vera ;)

[Mína (IP-tala skráð) 16.2.2009 kl. 10:59]

Hlýtur að vera léttir að vera búin að taka ákvörðun. Fylgist að sjálfsögðu áfram með þér og reyni að drekka í mig fróðleikinn sem birtist á síðunni. Knús

[Ragnhildur Þórðardóttir, 16.2.2009 kl. 15:53]

Nanna! Það er einmitt það sem ég á við, maður er aldrei 100% sáttur. Daginn sem það gerist þá hverfur metnaðurinn til að gera betur og það er þessi metnaður sem knýr fólk áfram í sportinu.

Hrund! Vá hvað ég skil þig. Það er alltof stutt á milli móta að mínu mati, þeir sem keppa í nóvember eiga oft erfitt með að koma sér aftur í gírinn fyrir Íslandsmót. Það ætla mjög fáar að keppa í apríl sem voru á Bikarmótinu og allar segja sömu söguna, eru bara ekki að koma sér í þetta hugarástand sem þarf. En þú þarft svo stuttan tíma og það eru ennþá 8 vikur í mót.

[Hrund (IP-tala skráð) 16.2.2009 kl. 17:12]

Já þetta er mjög stuttur tími og erfitt að ætla sér að koma jafn sprækur núna til leiks og fyrir bikarmótið. Ég er enn að velta þessu fyrir mér... þetta kemur bara í ljós Það eru jú 8 vikur í þetta og allt getur gerst...

[Guðrún Emilía Guðnadóttir, 17.2.2009 kl. 13:37]

Best að fara eftir því sem hjarta og líkami segir manni í hvert skipti fyrir sig.
Þú kemur bara flott inn seinna.
Milla.

[Óla Maja (IP-tala skráð) 17.2.2009 kl. 22:48]

Ég er handviss um að þetta er rétt ákvörðun hjá þér. Það sem þú skrifar hér á síðuna ber þess vitni að þú sért vandvirk og viljir gera hlutina 100% eða ekki. Þú rústar þessu þegar þú ákveður að keppa næst  

Segðu mér annað.. hvað kostar að vera í fjarþjálfun hjá þér?

Baráttukveðjur frá aðdáandanum sem er ennþá að lesa en löt við að kommenta

[Ragnhildur Þórðardóttir, 18.2.2009 kl. 08:06]

Óla Maja mín, mikið er gaman að heyra frá þér mín kæra. Sendu mér póst á [e-mail] í sambandi við fjarþjálfunina ;-)