Aðvörun!! Naglinn bölsótast

Naglanum leiðast afsakanir alveg óheyrilega mikið.  Hvort sem það eru afsakanir fyrir því að fara ekki í ræktina eða réttlætingar á slæmu mataræði t.d um helgar.  Í augum Naglans er engin afsökun gild fyrir því að fara ekki í ræktina, nema þá kannski veikindi, og þá telst ekki með hor í nös og verkur í haus.  Oftast nær sleppir fólk því að fara í ræktina því það er kannski, hugsanlega, líklega að verða veikt.  En besta meðalið er að dru... sér og svitna bakteríunum út, að því gefnu að fólk sé ekki komið með hita.

"Það er svo mikið að gera" er slappasta afsökunin í bókinni.  Naglinn er viss um að fólk gefur sér samt tíma til að glápa á imbann á kvöldin þá daga sem er svona "brjálað" að gera.  Af hverju fórstu ekki í göngutúr í staðinn?  Börn eru heldur ekki fyrirstaða, Naglinn veit um einstæða þriggja barna móður í tveimur vinnum sem keppir í fitness.  Ef hún hefur tíma til að æfa, þá hafa allir tíma.  Flestar stöðvar bjóða upp á barnapössun og langflestir eiga maka, foreldra, systkini o.s.frv sem geta litið eftir afkvæminu í 60 mínútur.

Sama gildir um sukk í mataræðinu.  Mörgum reynist erfitt að halda sig við hollustuna um helgar og detta í ruglið frá föstudegi til sunnudags, sem þýðir að 2-3 dagar af 7 eru undirlagðir í rugl.  Ef við miðum við 90% regluna þá erum við aðeins að borða hollt og rétt 60-70% af tímanum þegar helgarnar fara í fokk.  Hvernig er þá hægt að búast við árangri?

Það er engin gild ástæða fyrir því að borða óhollt 2 daga í viku bara af því dagurinn heitir laugardagur eða sunnudagur.  Þú tekur meðvitaða ákvörðun að stinga óbjóði upp í þig og því er engin afsökun til undir sólinni sem getur réttlætt þessa hegðun.  Ekki ferðu að snorta kókaín í nös, þú tekur meðvitaða ákvörðun að sleppa eiturlyfjum því þau eru hættuleg heilsunni.  Af hverju getur það sama ekki gilt um kók, snúða og Doritos?  Er ekki hættulegt heilsunni að vera í yfirþyngd? Er ekki ákjósanlegra að búa í hraustum og heilbrigðum líkama? Af hverju tekurðu ekki meðvitaða ákvörðun að sleppa ófögnuði? Líkamanum er alveg sama hvaða dagur er. 

 

Athugasemdir

[Björk (IP-tala skráð) 18.2.2009 kl. 11:42]

Sæl Ragga. Er diggur aðdáandi síðunnar og les hvern pistil. Takk fyrir allann fróðleikinn.

En varðandi þennan pistil, ert þú þá á því að sleppa alfarið nammi og óhollustu, eða er í lagi að leyfa sér eitt kvöld í viku?

[Ragnhildur Þórðardóttir, 18.2.2009 kl. 12:07]

Sæl Björk,

Takk fyrir að kíkja í heimsókn á síðuna. Nei ég er alls ekki að segja að fólk eigi að stunda meinlætalíf. Skv. 90% reglunni þá fer árangurinn eftir því hversu nálægt 100% þú ert í mataræðinu. Eitt kvöld í viku þar sem við leyfum okkur góðgæti er nauðsynlegt fyrir sálartetrið, en margir leyfa þessu kvöldi að teygjast í báðar áttir yfir marga daga.

[Nanna (IP-tala skráð) 18.2.2009 kl. 12:34]

Góður pistill hjá þér !  væl og afsakanir eru óþolandi... Ef maður vill árangur þarf maður að lifa eftir því ;)

[Lena (IP-tala skráð) 18.2.2009 kl. 12:43]

Takk fyrir þetta, gott að fá smá spark í rassinn;)

[Nafna (IP-tala skráð) 18.2.2009 kl. 13:01]

Vá, þetta er greinilega tíminn - finnst ég einmitt vera búin að heyra svo mikið af þessum afsökunum núna í kringum mig.

[Óli Jóns (IP-tala skráð) 18.2.2009 kl. 13:44]

Váá hvað ég er sammála, það fer alveg í mínar fínustu þegar að maður er að þjálfa og fólk er með endalausar afsakanir. Stundum langar mann bara grípa í gamla góða "shut up and squat!"

[Bjarney Bjarnadóttir, 18.2.2009 kl. 14:05]

Já mér finnst þetta með tímaskortinn best, sérstaklega þegar í kjölfarið kemur ræðan um hvað er að gerast í "Gossip girl", Grey´s anatomy" "despó" o.fl o.fl! Sumir hafa ENGAN tíma til að æfa en virðast hafa allan tímann í heiminum til að vera inní öllum sjónvarpsþáttaseríum sem til eru!

Eða þeir sem segja að líkamsræktarkort séu svo dýr, en djamma svo kannski flestallar helgar! Á mánuði kostar kort í ræktina álíka mikið og leigubílaferðin heim af djamminu! Og þá er ótalinn kostnaðurinn við áfengið og allt sem fylgir djammi...

Þannig að já, ég er sammála, ég er með ofnæmi fyrir afsökunum til að sleppa við ræktina..!

[Ragnhildur Þórðardóttir, 18.2.2009 kl. 16:47]

AMEN BROTHAS & SISTAS

[Harpa (IP-tala skráð) 18.2.2009 kl. 20:04]

Fínn pistill að vanda og flestu er ég sammála þarna.

Eitt verð ég þó að segja að fólk með börn sem ekki hefur annan fullorðinn einstakling búsettan  á heimilinu getur þó lent í vandræðum með tímaleysi.

Jú, jú flestar ef ekki allar líkamsræktarstöðvar bjóða uppá pössun en hins vegar finnst mér nú feikinóg fyrir þessi grey að vera 8-9 tíma á dag í gæslu svo við taki ekki meiri gæsla seinnipartinn, fram að kvöldmat.

Þegar svona er í pottinn búið þá getur maður jafnvel verið vel inní hinum ýmsu sjónvarpsþáttum, því á meðan þeir eru sýndir sofa börnin :-)  Mér finnst stundum að þetta sé mál sem er aðveldara um að tala en í að komast !!!

Ég er hins vegar svo heppin að vinna ekki fulla vinnu og get því mætt í ræktina innan 8 tima gæslunnar hjá börnunum, það er lúxus :-)

 bestu kveðjur,

Harpa

[Helga ókunnug (IP-tala skráð) 19.2.2009 kl. 08:48]

Ég tek undir bæði sjónarmið!

Tímaskortur er afsökun sem ansi margir skýla sér á bak við, jafnvel þó það sé ekki nokkur grundvöllur þar að baki.

Aftur á móti þá er ég sammála þessu með barnafólkið!

Það allra allra seinasta sem ég vil gera er að skutla minni dömu í barnagæslu líkamsræktarstöðvar eftir að hafa verið í tæpar 9 klst á leikskólanum. Fyrir mér þá er tíminn milli kl. 16-20 algerlega heilagur, þ.e. er aðeins notaður í familíustöff og kósýheit!

En þá er bara eitt í stöðunni, drusla sér á fætur fyrir kl. 6 á morgnanna, hvern einasta morgun ;o)

[Elín H. Guðnadóttir (IP-tala skráð) 19.2.2009 kl. 08:57]

Flottur pistill :) ég verð þó að vera sammála henni Hörpu hér á undan mér. Ég er einstæð 2ja barna móðir og mínir eru báðir á leikskóla allan daginn það er óskaplega erfitt að þurfa svo að fara með þá í gæsluna í ræktinni líka! Þeir eru ekki nema 2ja og 3ja ára og eru alveg búnir á því eftir daginn í leikskólanum :) en ég læt samt ekkert stoppa mig ég á góða að sem hjálpa mér með pössun á kvöldin svo að ég mæti í ræktina hvort sem það er eftir vinnu með guttana eða á kvöldin þegar þeir eru sofnaðir! Ég hef mætt síðustu 3 vikur þó svo að kvef og hálsbólga sé búið að hrjá mig, en ég er aldrei of veik til þess að "geta" ekki mætt!

Takk fyrir frábæra pistla :)

 Kv. Elín

[Ragnhildur Þórðardóttir, 19.2.2009 kl. 10:42]

Naglinn var að bíða eftir athugasemdum frá barnafólkinu. Það þarf auðvitað að færa fórnir til að koma líkamsræktinni inní daginn hvort sem fólk á börn eða ekki. Frábært að heyra Helga að þú nýtir morguninn í ræktina. Fyrir þessar einstæðu þá þarf ekki endilega að fara í líkamsræktarstöð, familíutímann má nýta til hreyfingar með barninu s.s göngutúra, sleðaferðir, skíðaiðkun o.s.frv.

[Ragnhildur Þórðardóttir, 19.2.2009 kl. 11:13]

Elín! Frábært að þú látir ekkert stoppa þig í að mæta í ræktina.

Harpa! Já það er lúxus að þurfa ekki að vinna heilan dag.

[Mama G, 19.2.2009 kl. 15:44]

Mér finnst ekki mikið mál að samræma hreyfingu og fjölskyldulíf. Það er partur af fjölskyldurútínunni hjá okkur að selpurnar fái að fara í Sprotaland í Laugum um helgar á meðan mamma og pabbi eru í leikfimi.

Á virkum dögum skiptumst við kallinn á að fara strax eftir kvöldmat í hreyfingu, ég á mán og mið og kallinn þri og fim, föstudagar eru fjölskyldukvöld, þá fer enginn neitt. Bara að hafa matinn á milli 18 og 18:30, þá getur maður alveg farið að lyfta kl.19, eða í síðasta lagi kl.20.00.

Svo þessu til viðbótar er ég með eina 13 ára sem sækir einu sinni í viku í leikskólann svo ég komist líka í gymið á fimmtudögum

Þannig að þegar best lætur kemst ég 5x í viku í ræktina án þess að það hafi teljandi áhrif á samverustundir með fjölskyldunni eða að stelpurnar séu í hóppössun þegar þær eru orðnar þreyttar. Allt spurning um skipulag!

[Nanna (IP-tala skráð) 19.2.2009 kl. 18:58]

Mama G´s got her shit together ;) eins og hún segir, snýst allt um skipulag !

[Harpa (IP-tala skráð) 19.2.2009 kl. 19:58]

Þetta eru að verða hinar fjörugustu umræður :-)  Að sjálfsögðu er þetta ekkert mál ef tveir eða jafnvel fleiri fullorðnir koma að því að gæta barna. HIns vegar þar sem ekki býr nema einn fullorðinn á heimili þá snýr þetta allt öðruvísi við, þá er ekki svo auðvelt að skottast út kl. 6 á morgnana eins og Helga stingur uppá og heldur ekki að fara út annað hvort kvöld eins og Mama G stingur uppá. Ekki skilur maður börnin eftir hvorki snemma á morgnana né seint á kvöldin....

Barnapössun á líkamsræktarstöðvum er auðvitað hægt að nýta um helgar, það er annað mál.

Þannig að stundum er þetta aðeins meira mál en spurning um gott skipulag :-)

kveðja, 

Harpa

[sævar (IP-tala skráð) 19.2.2009 kl. 22:15]

Svo er náttúrlega hægt að eiga karl og sinna heimaleikfiminni af krafti og þá er ekkert barnapíu vesen.

[Ragnhildur Þórðardóttir, 20.2.2009 kl. 08:19]

Heimaleikfimi eða eins og ég stakk uppá að gera eitthvað hreyfingatengt með börnunum eru allt fínir kostir, um að gera að nota hugmyndaflugið til að koma hreyfingunni inn í daginn.

[Ingunn (IP-tala skráð) 20.2.2009 kl. 21:01]

Varð að skjóta inn einni lausn með barnapíumálin og ræktina, ég er með 2 börn sem þurfa oft að vera í leikskólanum í 8 tíma á dag og ég er sammála, mér dettur ekki í hug að fara með þau í pössun eftir það, eða allavega ekki með góðri samvisku.  En það er hægt að fjárfesta í e-u góðu upphitunartæki s.s. hjóli, þrekstiga, hlaupabretti og nokkrum lóðum og henda sér úr bælinu áður en börnin vakna og djöflast eins og vitleysingur þangað til tími er komin til að vekja þau í skólann :) Þannig að ég kaupi ekki afsökunina með börnin, maðurinn minn vinnur mjög mikið í burtu en mér dettur ekki í hug að láta eina einustu æfingu detta upp fyrir, maður þarf bara að skipuleggja sig betur.

[Elín (IP-tala skráð) 1.3.2009 kl. 17:11]

Sæl Ragga

Ég er búin að vera skoða síðuna þína og finnst hún æði. Er alveg að fíla þig í botn. Er með heilsurækt á heilanum og finnst geðveikt að geta hnýtt saman matarræði sem er í senn hollt en gott.

Ég er ógeðslegur nammigrís en ákvað fyrir stuttu að setja ekki upp í mig sykur nema í þau fáu skipti sem boðið er í afmæli og þess háttar - kaupi mér amk. ekki nammi eða neitt slíkt og hey... það er bara ekki rassgat erfitt.

Ég bý mér stundum til hafrakökur og sæti þær með banönum/döðlum og bara það að halda á kökunni slekkur á allri sykurþörf. Ég var líka að spá um daginn, þessi staðhæfing "Til að sprynga ekki á limminu, þá þarf ég (NB. ÞARF) að fá mér nammi einusinni í viku - vil ekki hætta að lifa þó ég sé að grenna mig"!! Eg var á þessari skoðun fyrir jól en er eiginlega hætt við :) Borðaðu bara ekki nammið! Ef það á að vera nammidagur þá er hægt að substituda sykurinn og óhollustuna fyrir eitthvað annað - ég er alveg að digga það sko! Búin að útbúa milljón uppskriftir sem slökkva á sykurþörfinni en eru ekki óhollar.. alveg geggjað!

Maður þarf bara að gera þetta skemmtilegt og spennó. Er sjáf búin að léttast um 16 kg. síðan í október 2008, er 174cm og 62 kg núna! Ef ég get hætt að éta sykur... óje, þá er allt hægt!

[Elín (IP-tala skráð) 1.3.2009 kl. 17:11]

Æji shitt.. sorry maður! Vissi ekki að þetta væri svona mikill texti... :/