Vægtlöftning i Köbenhavn

Afsakið þögnina.  Naglinn elur nú manninn í Kóngsins Köbenhavn og hefur því haft lítinn tíma til skrifta.  Það stendur allt til bóta blómin mín .

 Naglinn hefur prófað tvær líkamsræktarstöðvar í vikunni.  Önnur er í hverfinu en þar vantar ansi mikið uppá fyrir alvöru lyftingar, engin hnébeygja, ekkert deadlift o.s.frv.  Hún er meira stíluð inná pallatíma og spinning samfélagið, enda mætir liðið í spinning tíma í massífum útbúnaði.  Við erum að tala um spandex frá toppi til táar og m.a.s í pedalaskóm.  Rólegir í metnaðinn í 40 mínútna spinning tíma!!

Naglinn gerði sér ferð þvert yfir borgina til að taka fætur í vel útbúinni stöð, enda í eigu Íslendinga   Þar var allt til alls fyrir sigggróna lófa og hungraða hamstring vöðva.  En það kom Naglanum á óvart hversu fáir voru að æfa, og það á "prime time".  Á þessum tíma eru Laugar eins og Grand Central Station.  Kannski er Danskurinn ekki árrisull .  Naglinn fær á tilfinninguna að lyftingasamfélagið hér sé ansi afmarkað við þá allra hörðustu og að Fru Hansen sé ekki mikið að rífa í lóðin.

Kommer i lys. 

 

  

 

Athugasemdir

[Kolbeinn (IP-tala skráð) 5.3.2009 kl. 10:26]

Sæl Ragga.
Ég hef lesið þessa síðu hjá þér undafarna mánuði mér til mikillar ánægju og fróðleiks og lært mikið um mataræði og annað tengt líkamsrækt og heilbrigðum lífsstíl.  Vona að þú haldir áfram að uppfræða okkur amatörana í líkamsræktinni þó þú sért komin til Dk. 

[Hulda (IP-tala skráð) 5.3.2009 kl. 13:00]

Gott að þú ert kominn aftur :) Les ennþá reglulega þó að ég kvitti nánast aldrei.

Alltaf gaman að lesa hjá þér og fræðst. Gangi þér vel.

Kveðja Hulda 

[Bryndís Böðvarsdóttir, 5.3.2009 kl. 13:20]

Sæl

vildi bara þakka fyrir heilsuupplýsingarnar sem þú skrifar.

 Ég er fæ svo oft bjúg en skildi aldrei afhverju, því ég stunda þá hreyfingu sem ég get. Ég flett því upp á google ,,af hverju fær maður bjúg" og fékk þá greinina þína. Ég ætla því að minnka þetta kolvetnisát mitt, en ég er svoddan brauðæta sem þýðir of mikið að kolvetnum hjá mér. 

[Ragnhildur Þórðardóttir, 6.3.2009 kl. 12:44]

Kolbeinn! Takk fyrir að kíkja í heimsókn og takk fyrir kvittið. Alltaf gaman að fá komment frá lesendum. Ég held að sjálfsögðu áfram blaðrinu þó ég sé komin á nýjar slóðir ;-)

Hulda! Takk fyrir að kíkja í heimsókn og fyrir kvittið.

Bryndís! Ég mæli absólút með að fólk minnki brauðát og skipti yfir í hreinni kolvetni eins og kartöflur og hrísgrjón og haframjöl. Prófaðu það í smá tíma og athugaðu hvort þér líður ekki betur.

[Ásta Óskarsdóttir, 6.3.2009 kl. 19:29]

Sæl, vildi bara þakka þér fyrir frábæru pistlana þína. 

Ráðið sem þú gafst um daginn varðandi það að taka meðvitaða ákvörðun um að forðast óhollustu eins og eiturlyf eða reykingar hefur virkað fínt hjá mér.  Hugsa nú alltaf "nei ég reyki ekki" þegar mér er boðið súkkulaðigums sem ég er annars mjög sólgin í og hefur hindrað mig í að ná þeim árangri sem ég hef óskað eftir.

Kærar þakkir, Ásta tannsi

[Pétur (IP-tala skráð) 8.3.2009 kl. 11:22]

Sæl Ragga,

alltaf gaman að opna þína bloggsíðu og lesa þínar greinar og skoðanir.

Hvaða likamsræktarstöð er i eigu íslendinga í Köbenhavn. Er einhver vefsíða sem hægt er að skoða?

Kveðja,

Pétur.

[Ragnhildur Þórðardóttir, 9.3.2009 kl. 14:27]

Sæl Ásta! Takk fyrir innlitið, hrósið og kvittið. Gaman að heyra að rausið í mér gagnast einhverjum þarna úti.

Sæll Pétur! Takk fyrir hrósið og innlitið. Equinox í Valby er í eigu Bjössa og Dísu í World Class. Mjög flott stöð, risastór og með allt til alls. www.equinox.dk