Þú veist að þú ert að taka vel á því þegar....

Þú sannfærir sjálfa(n) þig að sleppa siðasta repsi/setti/spretti – en klárar samt, annað eru helgispjöll

Þú hjólar heim eftir massífa fótaæfingu og börn og gamalmenni þeysast fram hjá þér

Það eru virkileg átök að blása hár og bursta tennur eftir að hafa lyft efri part

Það er á mörkunum að þú getir labbað niður stigann í búningsklefann eftir fótaæfingu

Daginn eftir fótaæfingu kjagarðu eins og fanginn í sturtunni

Þú lætur þig síga hææægt á klósettsetuna daginn eftir fótaæfingu - þú notar jafnvel fatlaða-klósettið

Þú rymur og stynur eins og berklasjúklingur í síðustu repsunum

Þú þarft að fara á “the happy place” í huganum til að geta klárað settið

Börn fara að gráta þegar þau sjá afskræmt andlit þitt í síðustu repsunum

Þú heldur áfram að svitna þó að þú sért búin(n) í sturtu og komin(n) í fötin

Andlitið er ekki rautt heldur purpuralitað eftir æfingu

Súrefnisgríma kemur sterklega til greina eftir sprettæfingu

Þú veltir því fyrir þér í miðjum spretti hvort einhver hafi látið lífið við að gera HIIT

Athugasemdir

[Siggi (IP-tala skráð) 7.5.2009 kl. 14:56]

Eru harðsperrur mælikvarði á því hvað maður tekur vel á því?  Ef svo er þá verð ég að fara að hrækja í lófana því ég er eiginlega alveg hættur að fá harðsperrur.  En allavega góð síða hjá þér og alltaf gaman að lesa pistlana frá þér.  Er meiri segja byrjaður að lesa gömlu pistlana aftur þegar að mig vantar upplýsingar.

[Sigrún (IP-tala skráð) 7.5.2009 kl. 21:06]

Já sama hér, er eiginlega hætt að finna harðsperrur, en þær koma alveg af og til. En er yfirleitt rauð i framan , en svitna lítið spurning einmitt hvort maður þarf að fara spýta í lofana

En má ég spyrja þig í sambandið við fituprósentu hva er svona hagstæðast að vera? milli 15-18% ? er 27ára gömul

en átt hrós skilið, bara góð síða

[Ragnhildur Þórðardóttir, 8.5.2009 kl. 09:46]

Jóhanna! Það er alveg eðlilegt að fá harðsperrur dauðans eftir fyrstu vikurnar á nýju prógrammi. Ég fæ alltaf hrikalegar þegar ég skipti um prógramm. Þú stendur þig vel stelpa.

Siggi! Takk fyrir hrósið :-) Harðsperrur eru ekki endilega mælikvarði á hvað þú tekur á því, en þú ættir samt að finna fyrir æfingunni í vöðvunum daginn eftir. Ef þú ert alveg hættur að fá nokkra strengi þá er líklega kominn tími á að skipta um prógramm. Líkaminn er svo fljótur að aðlagast nýju áreiti. Það er lykilatriði að skipta um prógramm á c.a 6 vikna fresti.

Sigrún!

American Council on Exercise hefur flokkað eðlilega fituprósentu fyrir konur eftirfarandi:

Nauðsynleg fita (til að lifa af): 10-13%

Íþróttafólk: 14-20%

Fitness: 21-24%

Ásættanlegt: 25-31%

Offita:; 32% +

Að mínu mati eru þetta ansi háar tölur, t.d eru flestar kvk keppendur í fitness og vaxtarrækt mun lægri í % en þarna stendur. Fituprósenta er frekar óáreiðanleg mæling, og ýmsar breytur sem geta haft áhrif á niðurstöðuna t.d mælingatæki (klípa, rafræn vog o.fl), mælingamanni, tíma mánaðarins o.fl. Ég myndi fókusa meira á sentimetrana, fötin og spegilinn og hvar þér líður vel.

[siggi andri (IP-tala skráð) 8.5.2009 kl. 17:10]

Jú ég verð svona aumur í vöðvunum við og við og þá sérstaklega þegar að ég fer á nýtt prógramm.  Og þið sem að hafið ekki skipt um prógramm eða róterað aðeins þá ættu þið að prófa það. 

En annað Ragga fyrst að það var talað um fituprósentu.  Þá langar mig að spyrja þig hvað er eðlilegt að léttast mikið þegar að maður fer að skera sig er sjálfur 170 cm og 77 kg.  Er hræddur um að fara í eitthvað major cut þar sem að ég er að rembast við að koma mér uppí 80 kg.