Sjálfsábyrgð...ekki hjá tryggingafélaginu

Öflugasta hvatningin er sjálfsábyrgð þegar kemur að þvi´að ná markmiðum sínum.

Ábyrgðarkennd er risastór þáttur í allri velgengni, hvort sem það er í viðskiptum, námi,vinnu eða þjálfun. Sjálfsábyrgð byrjar hjá okkur sjálfum og er mjög einföld. Þú setur þér markmið, setur upp plan, skuldbindur þig til að fara eftir því ogfylgist svo með árangrinum.

 

Þú getur verið ábyrg(ur) gagnvartsjálfum þér og öðrum.

 

1. skrifleg markmið 


2. Vigta sjálfa(n)þig

3. Mæla samsetningu líkamans


4. Mæla ummál líkamans


5. Taka ljósmyndi 


6.Búa til matseðil eða fylgjast með mataræðinu í matardagbók

7. Búa til æfingaprógramm og fylgjast með árangrinum í dagbók

Einfaldlega allt sem þú vilt bæta skaltu fylgjast með: Næring, þjálfun, lífsstíll (tími og gæði svefns, reykingar,áfengisneysla o.s.frv).

 

Það mun enginn koma og redda málunum fyrir þig.  

Breytingarnar byrja hjá okkur sjálfum.  Þú þarft að skuldbinda þig og það er stór ákvörðun. 

En um leið og þú hefur viðurkennt sjálfsábyrgð þína þá geturðu tvöfaldað hvatninguna með því að vera ábyrgur gagnvart einhverjum öðrum.  Til dæmis með að sýna árangur vikulega eða mánaðarlega.

Það getur verið hver sem er, systkini,foreldri, vinur/vinkona, vinnufélagi o.s.frv. 

Þú getur líka ráðið þér fagmann í verkið, þjálfara eða leiðbeinanda.  Af hverju virkar þessi aðferð?  Það er tilorðatiltæki í viðskiptum sem segir: Frammistaða eykst þegar frammistaða er mæld. 

Í viðskiptum eru margvíslegar aðferðir notaðar til að mæla frammistöðu starfsmanna: dagbækur, skýrslur, tékklistaro.fl. Þessar aðferðir virka líka í þjálfun og frammistaðan eykst þegar fylgst er með henni.

Athugasemdir

[Rut (IP-tala skráð) 22.5.2009 kl. 12:01]

Algjörlega sammála pistli þinum Ragga. Ég hef lika verið svolitið að horfa á þetta þannig að við förum með bilinn i skoðun einu sinni á ári og ef það er eitthvað af þá þurfum við að laga það til að halda bílnum á götunni.  Þetta er eins með okkur við þurfum að skoða okkur regluleg og ef það er eitthvað "að" þá þurfum við að laga það/bæta það.

[Ásta María (IP-tala skráð) 22.5.2009 kl. 16:19]

Þetta er nákvæmlega það sem ég er að díla við þessa dagana.

Er hætt að kenna ytri aðstæðum um allt sem fer úrskeiðis í mínu lífi. Þetta er jafnvel svolítið erfiðara en ég hélt. Er t.d núna að búa til plan um hvernig ég eigi að borða þegar ég fer í ferðalögin í sumar. Ekki auðvelt en e-ð sem verður að gera ef að maður ætlar að standa sig og falla ekki í sukkgryfjuna miklu!

[Ragnhildur Þórðardóttir, 22.5.2009 kl. 18:39]

Hér er komin frábær hugmyndi að pistli, hvað stuðningur heima fyrir getur "make or break" árangur hjá fólki. Jóhanna! Fólkið heima hjá þér sem kemur með þessar athugasemdir, hefur það niðurstöður rannsókna sem styðja þessar fullyrðingar?

Rut! Sumir hugsa betur um bílinn sinn en líkamann, og leyfa honum að drabbast niður.

Ásta María! Nú ertu komin undir minn verndarvæng og þarft að standa skil gagnvart mér, það ætti að halda þér frá sukkgryfjunni. Það er ekki gaman að fá rautt í kladdann muuhahahaha