Tempó

Hvert reps eða endurtekning er tvíþætt: samdráttur vöðvans (pósitífan) og lenging vöðvans (negatífan). T.d í tvíhöfðaréttu þá er pósitífan sá hluti lyftunnar sem kreppir vöðann eða í þessu tilfelli uppleiðin, og negatífan er þá niðurleiðin því þá lengist vöðvinn aftur.

Það er alltof algeng sjón að fólk leyfir þyngdaraflinu að taka öll völd í negatífunni. Það lætur lóðin bara gossa niður á ógnarhraða og aftur upp og aftur niður.... Með þessu er fólk aðeins að þjálfa á 50% álagi, því vöðvinn er líka að vinna í negatífunni.

Með því að telja upp á 2 eða 3 í negatífunni vinnum við á móti þyngdaraflinu og vöðvinn verður sterkari fyrir vikið.
Pósitífuna skal hins vegar gera á 1 sek, en þó með góðu formi, því þannig virkjum við rauðu vöðvaþræðina sem gera vöðvann sterkari. Þegar við erum farin að ströggla og gera pósitífuna hægar en 1-2 sek, þá eru rauðu vöðvaþræðirnir hættir að skjóta og við fáum ekki lengur eins mikið útúr settinu. Það er því ekki lykilatriði að klára sig fram í rauðan dauðann í hverju setti til að ná árangri.

Virkjum toppstykkið í lyftingunum og hugsum alltaf um tempóið í repsunum.

Athugasemdir

[Gummi P (IP-tala skráð) 25.6.2009 kl. 19:46]

Mikið rétt, rösklega upp og controlerað niður. Mér hefur alveg ofboðið þegar þessir einkaþjálfarar eru að breyta tempóinu hjá fólki og rugla í því þannig það mælir engan árangur. Allt í einu á kannski að vera 3 sek upp og 4 niður :-s Svo 2 upp og 2 niður, í staðinn fyrir að lyfta rösklega og slaka controlerað niður og mæla árangur í aukinni þyngd eða fleiri repsum

[Viktoría (IP-tala skráð) 1.7.2009 kl. 09:34]

Það er alveg ótrúlegt í hvert skipti sem ég les síðuna þá er einsog pistillinn sé skrifaður fyrir "mig". Ég get alltaf notfært mér eitthvað úr hverjum pistli.

Takk fyrir frábæra síðu.