Sektarákvæði

Í rækt Naglans hér í Danaveldi hefur verið tekið upp á að sekta menn um 30 DKR (650 íkr) ef ekki er handklæði meðferðis meðan æft er í salnum. Naglanum finnst þetta vel, enda fátt viðbjóðslegra en að leggjast á bekk með svitabletti eftir aðra. Sérstakan viðbjóð vekur sveitt hnakkafar á bekkpressubekknum.

Naglanum finnst að það megi einnig beita sektarákvæðum á þá sem ekki ganga frá lóðum og stöngum eftir sig.
Það er fátt meira óþolandi en að þurfa að byrja á að strippa stöngina af 5-6 stk af 20 kg plötum eftir einhvern jálk sem dru...aðist ekki til að ganga frá eftir sig. Það er nú bara æfing útaf fyrir sig.
Hvað ef það kæmi nú sjötug kona og vildi nota hnébeygjustöngina eða fótapressuna, á hún að þurfa að hreinsa til eftir útúrpumpaðan dólg sem tekur 30x meira en hún?
Ef fólk finnur það ekki hjá sjálfu sér að ganga frá eftir sig í salnum, alveg eins og það (vonandi) gerir heima hjá sér, þarf hreinlega að grípa til forræðishyggjunnar svo það læri þetta í eitt skipti fyrir öll.

Athugasemdir

[Snjólaug (IP-tala skráð) 14.7.2009 kl. 12:41]

SAMMÁLA! Skil ekki hvernig er hægt að vera svona ógeðslega blindur og eigingjarn ... brennandi augngoturnar hafa því miður ekki náð að virka nógu vel, maður ætti að stinga þessu að Bjössa

[Magga (IP-tala skráð) 15.7.2009 kl. 00:18]

er það rétt sem sagt er að brjóstvöðvaæfingar hjálpi til við slöpp brjóst?  hef grennst mikið og þau hafa aðeins sigið við það

[Bjarney Bjarnadóttir, 15.7.2009 kl. 15:07]

Vá hvað ég er sammála! Ég er algjör gribba með þetta, að láta gaura ganga frá eftir sig, en því miður nær maður ekki alltaf að nappa þá, skil ekki svona tillitsleysi  

[magga (IP-tala skráð) 15.7.2009 kl. 20:38]

Sæl og blessuð er í lagi fyrir mig að lyfta á hverjum degi er alltaf í hraðbrautinni í laugum brenn líka í 30 mín annaðhvort fyrir eða á eftir þarf að léttast um 30 kíló

[kolla (IP-tala skráð) 16.7.2009 kl. 23:12]

sæl langar svo að spyrja þig um eas próteinið mysu er ég ekki ígóðum málum með það  tek inn 90grömm á dag í undanrennu rosa gott bragð set líka 100grömm af haframjöli útá kv kolla

[Fanney (IP-tala skráð) 17.7.2009 kl. 00:14]

Sæl.

Ég vildi bara hrósa þér fyrir æðislega bloggsíðu. Ég var að googla "hitaeiningafjöldi" og síðan þín kom meðal annars upp.

Ég er í því basli sem þú varst í fyrir einhverjum árum. Ég HELD að ég sé að borða 900-1100 kcal á dag en veit ekki hvort ég hafi rétt fyrir mér þannig að ég þori ekki að bæta miklu við mig. Ég er samt södd alltaf, en það er bara erfitt að bæta við máltíð þar sem ég næ 4-5 máltíðum á 10 tímum (þar sem 2 þessarra tíma fer í ræktina). Einhver ráð handa mér?

Einnig langaði mig til að spyrja þig hvað pósitíva og negatíva væri? Er negatíva á leiðinni niður (til dæmis með hendur-flug) og pósitíva á leiðinni upp?

 Kær kveðja: Fanney