Óþarfa áhyggjur

Þar sem ég djöflaðist í lóðunum í ræktinni í gær kemur til mín maður, kynnir sig og segist vera læknir. 

Hann sagði að hann sæi sjaldan konu sem tæki jafn vel á því og ég og að hann vissi til þess að ég æfði mjög mikið.  Hann sæi líka að ég væri "komin af stað" og væri því með áhyggjur.  Ég áttaði mig ekki alveg á hvað hann meinti með "að ég væri komin af stað".  Þá dregur hann mig afsíðis og segir:  "Ég hafði bara áhyggjur að þú værir að lyfta of þungt verandi ófrísk".  Ég tjáði honum að áhyggjur hans væru óþarfar þar sem ég sé EKKI ófrísk.  "Nú" segir maðurinn, "mér fannst kviðurinn á þér sýna þess merki".  Svo ég hló bara við og sagði honum að þetta væru nú bara leifarnar af velmegun helgarinnar.  En mér var sko ekki hlátur í hug , enda er þetta ekki í fyrsta skipti sem ég fæ svona athugasemd.  Ég meina hvað er að fólki.... þó mallinn sé ekki rennisléttur þá er bara ályktað strax að konan sé með barni. 

Smá ráðlegging (til karlmanna sérstaklega).....ekki spyrja konu hvort hún sé ófrísk fyrr en á 9. mánuði og helst bara ekkert fyrr en á fæðingadeildinni til að vera alveg viss. 

Nú verður sko googlað hvar er hægt að fá ódýra svuntuaðgerð !!

Athugasemdir

[Ingunn (IP-tala skráð) 1.6.2007 kl. 09:41]

HEHEHE....jeminn góður, þetta er nú farið að vera svolítið fáránlegt...hefði samt viljað sjá svipinn á kauða. En það er nú svo að þegar konur eru orðnar þetta grannar þá meiga þær varla innbyrgða eina ertu án þess að hún sjáist á mallanum tíhí En bara svona svo þú vitir það að þá finnst mér þú allavega alls ekkert með óléttumalla og við eru margar sem öfunda þig á þessum malla þannig að þú skalt nú bara snarlega hætta öllum hugsunum um einhverja svuntuaðgerð góða mín

[Ragnhildur Þórðardóttir, 1.6.2007 kl. 10:53]

Takk fyrir hughreystingarnar og hrósið elskan mín .  Mallinn er nú samt ekkert öfundsverður eftir sukkið um síðustu helgi , en það er verið að vinna í því.  Þeim verður víst að svíða sem undir míga!! En eins og þú segir að þá er þetta eiginlega orðið fáránlegt hvað ég fæ oft þessa ÖMURLEGU spurningu.  Það liggur við að maður skelli í eitt bara til þess að fólk hafi ástæðu til að spyrja . 

[Anna María (IP-tala skráð) 1.6.2007 kl. 11:27]

Hahahaha þetta er orðið alveg fáránlegt... Ég get ekki með nokkru móti séð hvernig fólk fær það út að þú sért ólétt...

En ég held reyndar að þú þurfi að vera með svuntu svona í alvörunni til að fara í svuntuaðgerð þannig að só sorry. Þú átt í það minnst mjög langt í land til að vera gjaldgeng í svoleiðis.

Þú þarft alls alls ekki að vera með komplexa yfir mallakút, hann er svo fínn og örugglega margar konur sem myndu vilja fara í "naglamagaaðgerð"

Knús og kram

Anna panna og svuntan

[Ragnhildur Þórðardóttir, 1.6.2007 kl. 14:30]

Takk fyrir uppörvunina elsku dúllurnar mínar *knús*.  Maður á auðvitað bara að blása á svona bull og elska friðinn og strjúka (útblásinn) kviðinn . 

Ég var í þvílíku dramakasti yfir þessu öllu saman í gær og sagði að maðurinn hefði ekki bara eyðilagt fyrir mér daginn heldur allt árið 2007 og ég myndi aldrei borða meir....NEVER bara!!  En ég entist ekkert í þeirri aðgerð og er hætt við það og svuntuaðgerðina og hlæ bara að þessu í dag .

Hvaða svuntu ert þú annars að tala um Anna María...sbr. Anna panna og svuntan ??  Ég geri ráð fyrir að þú sért að elda ! 

[Óla Maja (IP-tala skráð) 1.6.2007 kl. 22:32]

Jahérna hér!! Ég tek undir með þér.. maður á bara ALDREI að gera ráð fyrir að konur séu óléttar nema það bara geti ekki verið neitt annað. Ég hef reyndar lent í þessu sjálf. Þ.e. að karlmaður hafi gert ráð fyrir því að ég væri ólétt þegar ég var það svo sannarlega ekki. Ég er reyndar í allt öðru "formi" en þú og var þá u.þ.b. 15 kg þyngri en ég er í dag  svo þetta er ekki beint sambærilegt. Ég var samt rosalega hissa á honum að láta þetta út úr sér. Til að gera þetta verra þá eyðilagði hann afmælisdaginn minn  En svo er hægt að líta á björtu hliðarnar... þetta var líka harkalegt "wake-up-call" í mínu tilfelli og ég fór að gera eitthvað í mínum málum í kjölfarið. En núna er ég komin svolítið út fyrir efnið. Þessi saga þín vakti bara upp minningar

Mikið vildi ég annars að ég kæmist í Esjugönguna á morgun! Verð líklega að finna mér einhverja aðra áskorun þessa helgina. En ég ætla mér suður bráðlega og þá er Esjuganga á stefnuskránni  Óska þér góðrar skemmtunar í þinni á morgun

[Ragnhildur Þórðardóttir, 2.6.2007 kl. 12:46]

Mikið er ég fegin að einhver önnur en ég hefur lent í þessari ömurlegu lífsreynslu, því ég var farin að halda að maginn á mér væri eitthvað óeðlilegur þar sem ég hef verið spurð að þessu ekki bara einu sinni, heldur ÞRISVAR sinnum.

Stundum þarf svona óþægilegt "slap in the face" til að gera eitthvað í sínum málum, eins og þú þekkir greinilega. Það var ekki fyrr en ég komst ekki lengur í jólafötin í júní að ég ákvað hingað og ekki lengra. Ég hafði oft fengið komment um að ég væri of feit, en lifði bara í sjálfsblekkingu, og hlustaði ekki á það. Kannski að maður ætti að taka mark á svona óléttukommentum og laga helv&%# magann.

[Eysteinn Skarphéðinsson, 2.6.2007 kl. 18:15]

Djöf dóni

[Lovísa (IP-tala skráð) 3.6.2007 kl. 12:53]

Þú ERT að grínast??!!!! Ef þú færð svona komment, þá eigum við hinar okkur ekki viðreisnar von!!!

Ef naglinn vill miskunna sig yfir karókídrolluna og hafa hana með sér í átak, þá þiggur hún það með þökkum :) lofa að vera ekki auminginn í þínu liði!!!

[Ragnhildur Þórðardóttir, 4.6.2007 kl. 08:49]

Karókídrollan er velkomin í átak a la Naglinn.  Nefndu bara stað og stund og ég mæti með svipuna  múúhahaha....  Nei nei ég lofa að vera góð  við þig.

[Lovísa (IP-tala skráð) 4.6.2007 kl. 21:53]

ég er laus næst á fös og um helgina, svo mið og fim..!