Hvatning í ræktinni og mataræðinu

 

Það upplifa allir tímabil þar sem viljinn til að fara í ræktina og púla og puða eða löngunin í enn eina kjúklingabringuna eru hreinlega víðsfjarri.  Þá getur verið gott að hafa hvatningarorð við höndina til að leggja frá sér Homeblest pakkann og koma rassinum upp úr sófanum og í ræktina.

 

 Ekki grafa þína eigin gröf með hníf og gaffli

 

Þú ert það sem þú borðar

 

6-pack magavöðvar verða til í eldhúsinu, ekki í ræktinni

 

Sársauki er veikleikinn að yfirgefa líkamann

 

Andartak í munni, alla ævi á rassi

 

Eftir nammidag sem fór úr böndunum:  Þó eitt dekk hafi sprungið er engin ástæða til að sprengja hin þrjú

 

Það bragðast ekkert eins vel og að líta vel út

 

Þeir sem ná árangri gera það sem hinir þora ekki að gera

 

Þú ert það sem þú hugsar og ef þú hugsar heilbrigt þá ertu heilbrigð(ur)

 

Eini staðurinn þar sem árangur kemur á undan vinnu er í orðabókinni

 

Uppgjöf er ekki í boði sem valkostur

 

Eina hindrunin ert þú sjálfur

 

Viljinn til að breytast verður að vera meiri en viljinn til að vera óbreyttur

Athugasemdir

[Mína (IP-tala skráð) 10.10.2007 kl. 14:31]

Blessuð!

Mér veitir sko ekki af hvatningu þessa vikuna. Það hefur verið ansi freistandi að hangsa bara heima í stað þess að drífa sig í ræktina. Fínt að hafa svona hvatningarorð við hendina. 

Anyways, þar sem ég er sjúkleg áhugakona um mat, þá var ég að prófa pönnukökuuppskriftina frá þér. Setti eplamauk og kanil útí og við mæðgur vorum sammála um að þetta væri þvílíkt lostæti! Á svo sannarlega eftir að nota þessa einföldu uppskrift í framtíðinni. 

Takk fyrir frábæra síðu

[SAS (IP-tala skráð) 10.10.2007 kl. 15:32]

Eini staðurinn þar sem árangur kemur á undan vinnu er í orðabókinni.

  Snildin ein og eiginlega bara svo rétt takk fyrir alla hjálpina .   En ekki lumar þú á einhverju sem að er svo hollt og gott sem að væri hægt að hafa með sér fyrir framan sjónvarpið eða bare einhvern eftirrétt?

[Óla Maja (IP-tala skráð) 10.10.2007 kl. 18:28]

Frábært  Margir góðir þarna. Það sem greip mig fyrst var:

Það bragðast ekkert eins vel og að líta vel út

Það hefur verið ansi stór hvati í mínu lífi undanfarin ár hvað mér líður mikið betur með sjálfa mig - fyrir utan það hvað mér líður bara mikið betur bæði líkamlega og andlega. En það er yndisleg tilfinning að vera sáttur við sjálfan sig og það sem blasir við í speglinum eftir nokkurra ára niðursveiflu, sófaveru og sukk (með tilheyrandi aukakílóum og slappleika.

Verð annars að deila því með þér að ég er núna með svakalega strengi í handleggjum, brjóstvöðvum og baki eftir átök morgunsins.. það verður svaðalega gaman hjá mér á morgun miðað við líðanina núna. Yndislegt bara

[Ragnhildur Þórðardóttir, 10.10.2007 kl. 19:29]

Elsku Óla Maja, ég er sko sammála þér með að hreyfingin bætir og kætir sálartetrið ekki síður en skrokkinn. Þegar maður er ánægður með sjálfan sig þá er maður ánægðari með lífið og tilveruna og lífið verður svo miklu léttara svona jákvæður. Þú ert svo ótrúlega dugleg líka og átt skilið að vera stolt af sjálfri þér.

SAS! Mér dettur nú ekkert í hug sem er sniðugt yfir sjónvarpinu þar sem mitt kvöldsnarl er Extra tyggjó. Það er þá helst niðurskorið grænmeti, hreint eða sykurlaust skyr eða prótínsjeik sem mér dettur í hug. Svo eru snillingarnir hjá Kjörís farnir að framleiða sykurlausan ís, og ísinn frá Kjörís er bara 5% fita svo það ætti að vera í lagi að smjatta á því af og til yfir imbanum.

Mína! Pönnsurnar eru bara snilld og hægt að leika sér með þær á ýmsa vegu með bragðtegundir og krydd. Haltu áfram á þinni braut kona, þú ert svo mikil hetja enda búin að ná svo rosalegum árangri... ekki missa móðinn!!

[ingunn (IP-tala skráð) 10.10.2007 kl. 22:41]

Bravo, við hugsum greinilega á sömu línu þessa dagana. :) Vona að allt gangi vel hjá þér krúttan mín. 

[Hafrún Kristjánsdóttir, 14.10.2007 kl. 11:59]

Sæl bara svona af því að mér þykir margt gott á blogginu þínu þá þykir mér miður að þú sért að predika þetta kjaftæði:  Þú ert það sem þú hugsar .  Hugsaðu aðeins þá kemstu í raun um að þetta er algjört rugl og oft á tíðum ekkert sérstaklega holt að hugsa svona.