Rétt hugarfar í líkamsrækt

 

 

 

Rétt hugarfar skiptir öllu máli þegar kemur að því að ná árangri.  Þetta vita þeir sem hafa náð árangri í sinni þjálfun og líkamsrækt.

Maður þarf að temja sér ákveðinn hugsunarhátt til þess að ná langt í þjálfun, því stífar æfingar eru ekki bara líkamlega erfiðar heldur einnig hugarfarslega. 

Vinnan, fjölskyldan, félagslífið getur allt sett strik í reikninginn þegar kemur að æfingum eða að halda mataræðinu í toppstandi.

Æfingar á morgnana er skotheld leið til þess að tryggja æfingu dagsins.  Tilhugsunin um að rífa sig á lappir fyrir allar aldir er ekki girnilegur kostur í huga margra en staðreyndin er sú að ekki margt í lífinu kemur í veg fyrir æfingu kl. 6 að morgni. Hins vegar getur ýmislegt komið upp á yfir daginn sem gæti orðið til þess að æfing eftir vinnu sé látin sitja á hakanum.

Í líkamsrækt er nauðsynlegt að hugsa eins og skáti og vera "ávallt viðbúinn" óvæntum aðstæðum sem gætu truflað rútínuna.

Þeir sem ná árangri í líkamsrækt eru þeir:

• sem fara vel og vandlega yfir tímaplanið sitt og sníða æfingaáætlun og mataræði í samræmi við það. 
• undirbúa máltíðir dagsins kvöldið áður til að koma í veg fyrir:

að máltíðir detti út

að óhollustu sé neytt því ekkert annað sé í boði.

• sem bæta upp ef æfing dettur út um morguninn, með því að æfa í hádegi, eða eftir vinnu.
• sem velta sér ekki upp úr því ef æfing dettur út þann daginn, heldur halda sínu striki daginn eftir
• sem bæta upp ef máltíð dettur út með því að borða eins fljótt og kostur er
• láta ekki óvænta svindlmáltíð breytast í svindldag eða svindlviku. Í stað þess að hugsa "æi fokk it, dagurinn er hvort eð er ónýtur, ég fer aftur í hollustuna á morgun", byrja þeir strax aftur í hollustunni í næstu máltíð

 

Besti hugsunarhátturinn er forvörn, að reyna að koma í veg fyrir að við dettum út af sporinu.

En það er óhjákvæmilegt að eitthvað komi upp á sem raskar rútínunni og þá er mikilvægt hugsa um að laga skaðann í stað þess að leyfa pirringi og depurð að ná yfirhöndinni. 

 

Fólk sem nær árangri í líkamsrækt eru þeir sem leita að lausnum á vandamálunum.

Þeir sem ekki ná árangri eru þeir sem leita að afsökunum.

 

 

 

 

 

 

 

Athugasemdir

[Ester Júlía, 14.11.2007 kl. 09:20]

SAMMÁLA öllu!!!!   Vona að þér gangi þrusuvel á endaprettinum! Ji það er svo stutt eftir núna.  Þetta verður fljótt að líða. Mér gengur vel, geri allt þetta á listanum hér fyrir ofan ..hehe.. hef samt svolitlar áhyggjur af að vöðvarnir séu eitthvað farnir að rýrna.. hef grennst svo hratt á tveimur vikum! En nú er bara að lyfta, lyfta og lyfta meira! 

kær kveðja

[Ragnhildur Þórðardóttir, 14.11.2007 kl. 10:26]

Takk fyrir það mín kæra og sömuleiðis.  Við neglum þennan endasprett og verðum hrikalegar á sviðinu eftir bara 10 daga....ó mæ god hvað það er stutt í þetta .  Ef þér finnst þú vera rýrna skaltu passa vel upp á að fá nóg prótín og jafnvel auka það pínu svo vöðvarnir verði nú stilltir og þægir á sínum stað .

Hlakka mikið til að sjá þig á sviðinu!! 

[Ester Júlía, 14.11.2007 kl. 13:18]

Hæ aftur .  Þú minntist á pósunámskeið...er það ekki hjá Heiðrúnu? Hvað kostar tíminn hjá henni?  Ég er reyndar með góða hjálp, Arnar G er að hjálpa mér með stöðurnar....gengur fínt nema #$%& bakstaðan er að plaga mig, hef ekki almennilega tilfinningu fyrir því hvernig ég á að vera...en það hlýtur að koma

[Fjóla Þorsteins (IP-tala skráð) 14.11.2007 kl. 13:48]

Gaman að lesa síðuna þína.  Sammála þér í öreindir.  Haltu áfram á þessum nótum, mörgum mikil hjálp í að lesa það sem þú skrifar.

[Óla Maja (IP-tala skráð) 14.11.2007 kl. 15:25]

Aldeilis satt og rétt þetta. Persónulega fannst mér það skemmtilegasta við að lesa þetta að ég átta mig á því að ég VAR í hópnum sem fannst alltaf allt "vera á móti mér" í sambandi við líkamsrækt - lét semsagt það sem "kom uppá" stoppa mig af og datt endalaust í "fokk it" hugsunina

En í dag er ég í lausna-leitargírnum.. ef planið er ekki að ganga þá er það ekki afsökun, heldur verkefni sem þarf að finna útúr og leysa - eins og ég er að vinna í þessa dagana

[Ragnhildur Þórðardóttir, 14.11.2007 kl. 16:00]

ster! Námskeiðið hjá Heiðrúnu er á þriðjudögum kl 21 í sporthúsinu, og þér er alveg velkomið að kíkja í einn tíma. Það er ótrúlega gagnlegt, því ef einhver kann pósurnar þá er það hún. Láttu mig vita það með %$## bakpósuna, hún er rosa erfið en hún hefur kennt okkur góð trix. Kíktu endilega!!

Fjóla, ástarþakkir fyrir hrósið. Alltaf gaman þegar fólk kann að meta blaðrið í mér.

Óla Maja! Þú ert svo innilega komin í rétta gírinn með þetta allt saman. Við finnum út úr þessari stöðnun þinni í sameiningu, ég veit að það er ekkert meira pirrandi þegar maður hamast og djöflast og #%&/ vigtin og % haggast bara ekki. Mann langar bara til að grenja!! Ekki gefast upp samt, finna lausnir frekar eins og þú segir ;-)

[Mína (IP-tala skráð) 15.11.2007 kl. 13:18]

Góður pistill