Cardio kanínur örvæntið eigi

  Að brenna eða ekki brenna, það er spurningin. 

Þegar markmiðið er að stækka vöðvana, eða það sem kallast "off-season" hjá fitnessköppum, er þetta oft stóra spurningin.  Við vitum að lyftingar byggja upp vöðva og því meiri vöðvar því meiri brennsla í hvíld.  Þarf þá nokkuð að pína sig í þessari helv&#$ brennslu líka þegar maður er "off-season"?

Svarið er einfalt: "JÁ félagi, hættu þessu væli og á brettið með þig". 

 

Jafnvel þegar markmiðið er að byggja upp vöðva og stækka er nauðsynlegt að stunda þolæfingar (brennslu) samhliða lyftingunum.  

Brennsla eins og nafnið gefur til kynna brennir hitaeiningum og þar með líkamsfitu.  Því lægri sem líkamsfitan verður því betur koma vöðvarnir í ljós. 

Brennsla eykur matarlystina sem er nauðsynlegt þegar markmiðið er að stækka vöðvana, því það gerir okkur auðveldara að borða helling af "hreinni" fæðu. 

Þolæfingar styrkja hjarta- og æðakerfið sem auðveldar okkur að lyfta þungt.  Fjölmargir lyftingakappar gefast upp í síðustu repsunum ekki af því þá vantar kraftinn heldur eru þeir hreinlega of lafmóðir til að halda áfram.  Eins og Arnie gamli sagði þá eru það síðustu 3-4 repsin sem skipta höfuðmáli og ef við höfum ekki úthaldið í þau þá getum við kysst vöðvavöxt bless.

 

Það er mikilvægt að keyra ekki brennsluna fram úr hófi og brenna þar með vöðvunum sem við unnum fyrir með blóði, svita og tárum.  Hæfilegt magn brennsluæfinga fyrir fólk í uppbyggingu er 3-4 x í viku í 30-40 mín í senn. 

Brennsluæfingar eiga samt alltaf að vera í þriðja sæti í þjálfun og líkamsrækt.  Hreint og gott mataræði á að vera í fyrsta sæti, lyftingar í öðru sæti og svo getum við pælt í brennslunni.

 

Athugasemdir

[Fannar Karvel (IP-tala skráð) 13.12.2007 kl. 11:37]

Frænka litla keeping me on track! Þú ert orðin nr.1 á morgunrúntinum svo ég haldi mér nú við efnið

[Ragnhildur Þórðardóttir, 13.12.2007 kl. 11:55]

Það er svo gott að fá smá spark í rassinn í morgunsárið  og ekki veitir okkur af sem erum að fara að keppa eftir augnablik.

[Eva (IP-tala skráð) 13.12.2007 kl. 13:57]

Sæl og verð að byrja á því að segja að þú ert goð í mínum augum þessa dagana ;) smá sem ég ætla að spyrja þig, ég þarf að losna við slatta af fitu, á auðvelt með að fá vöðva reyndar, brenni á morgnana 45 mín, hversu oft er gott i viku og má lyfta á fastandi, svona ef ég hef bara tíma um morguninn? Eða er betra að borða til að hafa orkuna? Á það til að vera í tímaþröng og brenna mikið og lyfta lítið og stend í stað :(

[Ragnhildur Þórðardóttir, 13.12.2007 kl. 14:17]

Eva! Maður roðnar nú bara við svona stór orð .  Takk fyrir!!  Viltu ekki bara senda mér tölvupóst: [e-mail] og við förum yfir málin saman.  Ég skal reyna að hjálpa þér eftir bestu getu .

[ingunn (IP-tala skráð) 13.12.2007 kl. 18:41]

100 dagar beibí! Eigum við að ræða það eitthvað, nei ég hélt ekki. ;)

[Ragnhildur Þórðardóttir, 13.12.2007 kl. 19:03]

Já fínt, já sæll, já fínt, já sæll.... hvað það er stutt í mót og kellingin engan veginn orðin nógu buffuð.