Blessað cardio-ið

 

Það var áhugaverð frétt á Stöð 2 í gærkvöldi þar sem lektor í íþróttafræðum lýsti yfir áhyggjum sínum af hreyfingarleysi landans.  Hann lýsti einnig yfir áhyggjum sínum yfir því að margir karlmenn sem stunda líkamsræktarstöðvar einblína á lyftingar eingöngu og stunda litla sem enga þolþjálfun. 

Hann nefndi að þetta þjálfunarmynstur geti stuðlað að aukinni tíðni kyrrsetu -lífsstílssjúkdóma í nánustu framtíð, sérstaklega með tilliti til hjarta - og æðasjúkdóma eins og háþrýstings ig kransæðastíflu, þar sem þessir menn væru aldrei að þjálfa hjarta og æðakerfið. 

Naglinn hefur hins vegar sömu áhyggjur af kvenpeningnum og þessi maður í fréttunum í gær hefur af körlunum.  Ekki vegna þess að þær pumpi bekkinn of stíft, ónei, öðru nær.  Naglinn hefur áhyggjur af öllum þeim fjölda kvenna sem stunda eingöngu Rope yoga, Pilates, Ashtanga jóga, og hvað þessar dýnuæfingar heita allar, og telja að það sé nóg hreyfing.  Staðreyndin er hins vegar sú að við þjálfum ekki hjarta - og æðakerfið nema með því að hleypa púlsinum upp og svitna. 

 Svo eru reyndar öfgarnar á móti, eða kardíó kanínurnar sem djöflast á skíðavélinni eins og þær eigi lífið að leysa og snerta ekki járnið af ótta við að verða eins og Olga Kulechov kúluvarpari á einni nóttu. 

Naglinn hefur margoft ítrekað mikilvægi þess að stunda bæði þolþjálfun og lyftingar, hvoru tveggja er nauðsynlegt fyrir heilsuna. 

Lyftingar stækka vöðvana, sem eykur grunnbrennslu því stærri vöðvar krefjast meiri orku og eru virkir hátt í 24 klst eftir æfingu.  Lyftingaæfingar styrkja líka bein og sinar sem er ekki síst mikilvægt fyrir okkur kvensurnar þar sem tíðni beinþynningar er hærri okkar megin.  Sterkari vöðvar og sterkari bein dregur úr líkum á stoðkerfisvandamálum síðar á ævinni.  

Þolþjálfun eykur blóðflæði um líkamann og hjartað styrkist og stækkar og við það lækkar hvíldarpúlsinn, því hjartað getur dælt meira blóði í gegn í hverju slagi.  Það dregur úr líkum á ýmsum kvillum á borð við háþrýsting.  Þolþjálfun brennir líka hitaeiningum sem er kostur þegar menn vilja bumbuna burt. 

Ekki misskilja mig samt, jógæfingar eru mjög gagnlegar til að styrkja miðjuna og eiga alveg rétt á sér, en aðeins sem hluti af heildarþjálfunaráætlun þar sem þolþjálfun og lyftingar skipa veigameiri sess.  Við þjálfum líka miðjuna í æfingum eins og hnébeygjum, deadlift og róðri. 

Það er mikilvægt að festast ekki í einni tegund þjálfunar og hundsa allt annað.   

Athugasemdir

[Eva (IP-tala skráð) 8.1.2008 kl. 12:40]

Verð að segjaað þetta er aveg hárrétt!! Í ræktinni minni eru gaurarnir og karlarnir fastir fyrir framan speglana með lóðin og allar stelpurnar og konurnar á skíðavélunum.

En spurning,  styrkir það ekki æðakerfið að lyfta? ég er allavega sveitt og púandi þegar ég lyfti enda stækka vöðvarnir hjá mér hratt og vel :P

Kv Eva 

[Ragnhildur Þórðardóttir, 8.1.2008 kl. 13:01]

Allar æfingar sem hleypa púlsinum upp styrkja hjarta og æðakerfið, þ.m.t lyftingar Þegar maður tekur vel á því finnur maður að púlsinn fer upp, sérstaklega þær sem eru gerðar á hröðu tempói.  En þolþjálfun er samt sem áður milljón sinnum áhrifaríkari til að styrkja og stækka hjartað. 

[Erla (IP-tala skráð) 8.1.2008 kl. 15:00]

Hæ Ragnhildur,

ég fylgist alltaf með þér - og öllum góðu heilsuráðunum :)

 Ég er alltaf on and off í ræktinni en hef nú tekið enn eina ákvörðunina um að breyta um lífsstíl. Þetta byrjaði allt með að hætta að reykja! Það mótiveraði mig til þess að taka matarræðið all verulega í gegn. Núna er ég að prófa south-beach matarræðið. Ég hef aldrei farið á svona kúra - en ég las bók um þennan og hann virkaði bara ansi sannfærandi. Hefurðu heyrt um þennan kúr? Hvernig líst þér á hann?

 Ég verð eiginlega að fá blessun frá heilsugyðjunni ...!!

 Annars segi ég bara til hamingju með brúðkaupið - þú varst gullfalleg brúður!!

 kv. Erla á mogganum

[Ragnhildur Þórðardóttir, 8.1.2008 kl. 15:25]

Sæl og bless mín kæra Erla,

Frábært að þú sért byrjuð í átaki.  Ég heyrði ekkert meira í þér svo ég vissi ekki hvernig hafði gengið síðast þegar við fórum saman yfir mataræðið og æfingarnar. 

Varðandi South Beach þá er ég aldrei hrifin af svona kúrum og reyni frekar að agitera fyrir hollum og fjölbreyttu mataræði. Ég er lítt hrifin af því þegar kolvetnin eru fjarlægð eins og í 1. hluta kúrsins, kolvetni eru bensínið og hvernig ætlarðu að fara um á tómum tanki? Þessi kúr hefur reyndar þann kost að hann kennir fólki að borða margar smáar máltíðir yfir daginn, sem er lykilatriði fyrir fitutap.  Mér finnst reyndar alveg ótrúlega flókið hvenær má fara af stigi 2 enda ekki alveg fyrir leikmenn að vita hvenær þeir eru að borða nóg af kolvetnum og hvenær of mikið fyrir kjörþyngd sína. 

Það er heldur ekkert talað um daglegan hitaeiningafjölda, sem skiptir auðvitað höfuðmáli fyrir fitutap.  Og ekkert talað um fituna sem er líka mjög mikilvæg, að borða rétta fitu ýtir undir fitutap.

En prófaðu bara og sjáðu hvernig þú fílar þig og hvort eitthvað gerist.  Maður veit ekkert nema að prófa, ekki satt .  Leyfðu mér að fylgjast með hvernig gengur og endilega hafðu samband ef þú ert með frekari spurningar. 

Gangi þér vel skvís  .

[Sesselja Fjóla Þorsteinsdóttir, 8.1.2008 kl. 15:45]

Gjörsamlega sammála, oft erfitt að fá konur til að lyfta.

[Ragnhildur Þórðardóttir, 8.1.2008 kl. 17:13]

Eins og kemur fram í fjölmörgum pistlum hér á síðunni þá er Naglinn ötull talsmaður loftfirrðrar þolþjálfunar. Slík þolþjálfun ásamt venjulegri þolþjálfun á 60-80% álagi stækkar hjartavöðvann, sem eykur svokallað stroke volume og lækkar hvíldarpúls. Það kalla ég að styrkja vöðva, þegar hann getur afkastað meira en áður. Fjölmargar rannsóknir hafa verið gerðar sem sýna að þolþjálfun dregur verulega úr líkum á hjarta og æðasjúkdómum, sem hlýtur að sýna fram á að hún sé að styrkja hjarta og æðakerfið. Þegar þolþjálfun er borin saman við styrktarþjálfun í slíkum rannsóknum eru áhrif þolþjálfunar yfirleitt mun meiri. En áhrif styrktarþjálfunar á hjartaheilsu eru þó vissulega til staðar, enda hef ég aldrei haldið öðru fram. Þessi maður í fréttunum í gær, lektor í íþróttafræðum, væri varla að lýsa yfir áhyggjum ef lyftingar væru jafn áhrifaríkar fyrir hjartaheilsu eins og þolæfingar.

[Erla (IP-tala skráð) 8.1.2008 kl. 19:31]

Takk fyrir svarið mín kæra.

 Ég er hef líka verið frekar skeptísk á fyrsta hlutann - en hann er bara í tvær vikur og hefur þann tilgang að "afsykra" mann - svo að það verði auðveldara að halda sig við hollt matarræði.

En - ég fæ kannski bara að senda á þig póst - ég er sífellt eitthvað að spá í þessu. Líka svo margar ólíkar ráðleggingar sem maður fær að maður getur hreinlega tapað geðheilsunni ;)

 p.s. ég hafði ekki meira samband því að ég datt úr heilsugírnum og skammaðist mín fyrir aumingjaskapinn!  En núna er ég kominn í svaka gír!!

Knús. Erla.

[Ragnhildur Þórðardóttir, 9.1.2008 kl. 08:56]

Heyrðu skvís, ekkert til að skammast sín fyrir þó maður detti úr heilsugírnum.  Bara frábært að þú sért komin aftur á beinu brautina.  Vertu bara í bandi ef þig vantar ráðleggingar, getur alltaf sent mér póst á [e-mail]. 

Gangi þér vel!! 

[Audrey, 9.1.2008 kl. 13:35]

Hvað segirðu um teygjur?  Er algjört möst að teygja eftir hverja einustu æfingu og hvað er það sem nákvæmlega gerist við að teygja?  Er það ekki efni í pistil