ZMA

Hvað er Zink ?

Zink er flokkað sem nauðsynlegt steinefni.  Margar fæðutegundir innihalda zink t.d mjólk, ostrur, rautt kjöt, spínat, hnetur, hafrar og baunir.

 

Hvað gerir Zink fyrir líkamann ?

Zink styrkir ónæmiskerfið og er nauðsynlegt fyrir skiptingu fruma, vöxt þeirra og viðgerð.  Zink sér líka um að brjóta niður alcohol í lifrinni og hjálpar til við meltingu og framleiðslu prótíns. 

Það kemur einnig við sögu í mörgum ensímaferlum og hjálpar líkamanum við lsoun hormóna eins og vaxtarhormóna, testósterón, insulin og estrogen.  Eins viðheldur zink eðlilegu kólesteról magni í líkamanum. 

 

Hvað gerist ef líkaminn fær ekki nóg Zink ?

Skortur á zinki hefur áhrif á nýtingu og upptöku prótíns og getur því valdið vöðvarýrnun.  Vöðvaþol, styrkur og heildar vinnugeta vöðvans minnkar þegar skortur er á zinki í líkamanum.    

Rannsóknir sýna að þeir sem stunda stífar æfingar eru líklegri til að skorta Zink en þeir sem æfa lítið eða ekkert.  Eftir erfiða æfingu minnka nefnilega bæði zink og magnesium birgðir líkamans verulega.

Margir líkamsræktariðkendur fá ekki nægilegt magn af zinki úr fæðunni og geta því notið góðs af því að taka það inn aukalega.

 

Hvar fæ ég Zink í bætiefnaformi ?

ZMA er bætiefnablanda sem fæst annaðhvort í töflu- eða duftformi og inniheldur zink, magnesium og B6 vítamín.   

ZMA er þróuð með vöðvavöxt og styrktaraukningu í huga. 

Talið er að inntaka ZMA auki magn testosterone og vaxtarhormóna í líkamanum og stuðli þannig að auknum vöðvastyrk.

 

Ein rannsókn sýndi að fótboltamenn sem tóku ZMA á kvöldin í 8 vikur höfðu 2.5 sinnum meiri vöðvastyrk miðað við hóp sem tók lyfleysu (Brilla, L., Medicine and Science in Sports and Exercise, vol 31, 5, 1999). 

 

Betri svefn er annar kostur við inntöku ZMA.  Ráðlagt er að taka ZMA 30-60 mín fyrir svefn og margir segjast sofna fyrr og sofa dýpra þegar þeir taka ZMA. 

 

  

Athugasemdir

[Eva (IP-tala skráð) 9.1.2008 kl. 16:26]

Sæl og takk fyrir enn eeinn fróðleiksmolann ;) Ég verð bara að segja að þegar ég tek inn ZMA þá sef ég muun betur, er ekki alltaf að vakna á nóttunni og á það til að vilja sofa aðeins meira reyndar :) Og mig dreymir meira og skrítnara í þokkabót :P

Kv Eva 

[Ragnhildur Þórðardóttir, 9.1.2008 kl. 17:31]

Sæl og blessuð og takk sömuleiðis fyrir að kíkja reglulega í heimsókn og nenna að lesa. En gaman að aðrir upplifi þetta sama með svefninn. Ég sef alltaf eins og rotuð þegar ég tek ZMA, sem ég geri reyndar allan ársins hring, og dreymir allskonar bull. Í nótt dreymdi mig að ég hefði litað öll hvítu æfingafötin mín bleik með rauðum sokk í þvottavélinni.

Maður er alltaf með hugann við ræktina, líka á nóttunni ;-)

[Helga Dögg (Ókunnug) (IP-tala skráð) 9.1.2008 kl. 20:31]

Hæ hæ, mikið er ég glöð að þú skyldir fjalla um ZMA-ið.

Ég spurðist fyrir um það hjá EAS fyrir nokkrum árum og hann vildi hreinlega ekki selja mér það. Sagði þetta eiginlega vera bara fyrir karlmenn þar sem það hefði svo mikil áhrif á hormónana, væri því ekki hentugt fyrir kvenmenn. En ef þetta er "bara" vítamín og steinefni þá get ég nú ekki séð að þetta geti valdið manni nokkurn skaða.

Þú sem sagt mælir með þessu...?

kv. Helga Dögg

P.s. takk fyrir frábæra síðu, hún hjálpar manni mikið í þessu "ströggli" :o)

[Ragnhildur Þórðardóttir, 9.1.2008 kl. 21:14]

Sæl og blessuð Helga Dögg, Takk fyrir það og takk fyrir að kíkja í heimsókn að lesa, alltaf gott að geta verið að gagni.

Já ég mæli eindregið með ZMA, hef notað það sjálf í nokkurn tíma og með góðum árangri. Ég kaupi það bara í apóteki frá NOW, kostar rétt um 1000 kallinn minnir mig.

[ingunn (IP-tala skráð) 10.1.2008 kl. 10:49]

Þú ert svo mikill fróðleiksbanki Ragga mín. Alveg frábært.  :)

Langaði annars bara að óska þér góðrar ferðar í dag.