Pönnsurnar góðu

Naglinn var beðinn um að birta uppskriftina að eggjahvítupönnsunum aftur svo hér koma tvær útgáfur, þessi gamla góða og önnur low-carb varíasjón.

Gamla góða

4-5 eggjahvítur (má vera meira ef menn vilja og þurfa)
Haframjöl (magn eftir smekk, og hitaeininga og/eða kolvetna þörfum)
1 matskeið prótínduft (bláberja er í uppáhaldi hjá Naglanum um þessar mundir, en eitthvað berjabragð eða vanillu er rosa gott)

Hrært í blandara á high-speed í c.a 1 mínútu.  Hellt á meðalheita pönnukökupönnu og bakað þar til koma loftbólur, snúa við og baka á hinni hliðinni í c.a 30 - 40 sekúndur.

Low - carb

4-5 eggjahvítur (má vera meira ef menn vilja og þurfa)
1 matskeið mulin hörfræ (pakkað af trefjum og góðri fitu og nánast engin kolvetni)
1 matskeið prótínduft

Hrært í blandara á high-speed í c.a 1 mínútu.  Hellt á meðalheita pönnukökupönnu og bakað þar til koma loftbólur, snúa við og baka á hinni hliðinni í c.a 30 - 40 sekúndur.

 

Athugasemdir

[Audrey, 1.2.2008 kl. 21:52]

Ég hef prófað þetta nokkrum sinnum og notað þá vanillu/pineapple. frá SciTech.. úfff bara kem þessu ekki niður!  Þetta er eitthvað svo þurrt og ógeðslegt hjá mér.  Reyndar notaði ég ekki blandarann í þetta, hrærði bara.  Kannski breytir það einhverju.  Og reyndar notaði ég svoldið meira en 1 msk af prótíninu.. það hefur pottþétt einhver áhrif.  Já kannski tími til að reyna einu sinni enn, ekki veitir af einum kosti í viðbót í mataræðið þessa dagana

[Lokka (IP-tala skráð) 2.2.2008 kl. 02:54]

Sæl, notarðu enga fitu til að steikja þetta? Festist þetta ekki við pönnuna?

[Mína (IP-tala skráð) 2.2.2008 kl. 07:54]

Langaði að deila minni reynslu varðandi pönnsurnar Ég hef stundum notað ávaxtamauk út í þær til að bragðbæta (nota ekki prótínduft). Hef notað bara svona barnamatskrukkur með ávaxtamauki og þá valið tegund sem er án viðbætts sykurs (veit ekki alveg hvort Naglinn myndi samþykkja slíkt). Eins finnst mér gott að ef t.d set eplamauk útí að setja kanil líka.

Varðandi hræringuna á þessu gumsi að þá finnst mér best að nota góðan písk og hræra (þeyta) degið mjög vel svo það verði loftkennt og pönnsurnar þ.a.l. svoldið loftkenndar. Þá festast þær líka síður við pönnuna.

kv. Hafnfirska húsmóðirin

[Ragnhildur Þórðardóttir, 2.2.2008 kl. 10:20]

Þær verða ekki þurrar hjá mér ef ég nota blandarann og hræri vel á miklum hraða þar til þetta verður pínu þykkt. Ef þér finnst þetta of þurrt Auður þá er sjúklega gott að hræra 1 matskeið af súkkulaði Scitec út í smá vatn og dýfa pönnsunum útí.... já sæll bara sjúkt.

Lokka! Nei ég keypti bara góða Teflon pönnu og þarf þá ekki að nota neina olíu eða fitu.

Mína! Ósykraður barnamatur og ósykrað eplamauk er sko í góðu lagi. Það er um að gera að vera nógu hugmyndaríkur í hollustunni.

[Audrey, 2.2.2008 kl. 11:19]

Djefulli ertu sniðug - ég prófa þetta!

Og með olíuna þá spreyjaði ég bara Pam spreyji yfir pönnuna.. sem minnir mig á að ég þarf að fara að fjárfesta í nýrri pönnu, teflon húðin fór fyrir löngu þegar kallinn setti hana einu sinni í uppþvottavélina .... mín var ekki ánægð þá!

[Ragnhildur Þórðardóttir, 2.2.2008 kl. 12:08]

Prófaðu líka hörfræin, það gerir þær miklu þykkari og meira djúsí. Þetta er einmitt ástæðan fyrir því að ég banna kallinum mínum að vaska upp eða nota þvottavélina, þá myndu einmitt svona slys gerast.

[Ingibjörg, 3.2.2008 kl. 02:10]

ertu að starfa sem einkaþjalfari núna ?

ef svo er hvað myndi það kosta fyrir mig að fá þjalfun hja þér í einn mánuð

[Ragnhildur Þórðardóttir, 3.2.2008 kl. 12:49]

Sæl Imba, Nei ég starfa ekki sem einkaþjálfari, því miður.

[Ingibjörg, 5.2.2008 kl. 17:48]

ok einhvernveginn fannst mér að þú værir einkaþjálfari litur allavega út fyrir að vera það .

[Ragnhildur Þórðardóttir, 6.2.2008 kl. 15:40]

Jú jú ég er með einkaþjálfararéttindi en vinn ekki við það.