Lítill skurður...bara pínulítill

Naglinn er í átaki.

Eftir rúma viku eru Naglinn og hösbandið að fara í afmælisbrjálæði á erlendri grund, nánar tiltekið í fyrrum höfuðborg heimsins Lundúnum. 

Naglinn keypti sér reyndar nýjan kjól fyrir veisluna, sem er sérstaklega víður frá brjóstum niður á hné, felur akkúrat þau 70% af líkamanum sem eru ekki fyrir börn og viðkvæma.  

Rassinn og bumban eru komin út fyrir öll velsæmismörk, það er dýrt að borga fyrir tvö sæti í flugvél, og það er ekki gaman að afmælisgestir uppnefni mann Heffalump eftir veisluna. 

Þess vegna byrjaði Naglinn í míní - skurði á mánudaginn.  Það er auðvitað ekki hægt að gera nein kraftaverk á 10 dögum, en vonandi losnar aðeins um vömbina og að eitthvað af lýsinu leki. 

Svo nú er kellingin búin að hreinsa til í mataræðinu, kötta aðeins á kolvetnin og bæta í cardio-ið.  Vonandi skilar þetta einhverjum árangri.

Svona stuttur skurður ætti ekki að hafa mikil áhrif á vöðvauppbyggingarferlið, en planið er að hoppa aftur í það prógramm um leið og gleðinni í Lundúnaborg lýkur. 

Athugasemdir

[Nanna (IP-tala skráð) 16.4.2008 kl. 13:07]

Farðu varleg í mini-skurðinn, stutt í næsta mót hjá þér kona ;) 

Og góða skemmtun í London-BABY!!!

[Ragnhildur Þórðardóttir, 16.4.2008 kl. 13:20]

Já já ég passa mig, það er nú alveg af nógu að taka. Er nú ekki viss hversu miklu þessi stutti skurður skilar, en hey! það má reyna.

Takk fyrir það, hlakka mikið til.

[Audrey, 16.4.2008 kl. 14:12]

Iss ekkert mál að taka svona skyndiskurð í svona stuttan tíma - ég geri þetta alveg.  Og þarf einmitt að gera þetta núna á næstu 10 dögum..  Brenni bara smá meira, borða oft og lítið  og tek próteinsjeik í kvöldmat.... og ekkert eftir það fyrir nóttina.  Svínvirkar hjá mér allavega   Allt í lagi svona einstaka sinnum..