Heilræði Naglans

 

Allir þeir sem stunda brennsluæfingar á fastandi maga ættu að gúffa í sig BCAA töflum fyrir og eftir átökin.  BCAA (Branced Chained Amino Acids) samanstanda af þremur amínósýrum: Leucine, isoleucine og Valine og er Leucine þeirra mikilvægust. 

Ástæðan fyrir því að Naglinn mælir með þessu athæfi er að þegar við vöknum er líkaminn algjörlega tómur eftir 8-10 tíma föstu.
  
Líkaminn kýs helst kolvetni sem eldsneyti fyrir öll átök.  Hins vegar í föstuástandi kemur orkan úr fituforðanum, því það eru engin kolvetni til staðar í líkamanum.
Hins vegar er sá galli á gjöf Njarðar að hann nartar líka í amínósýrurnar í vöðvunum til að fá meiri orku þegar við erum fastandi.
 
Þess vegna er mikilvægt að veita líkamanum aukalega amínósýrur fyrir og eftir brennsluæfingar sem hann getur gætt sér á í stað þess að brjóta niður okkar dýrmæta vöðvamassa.

Athugasemdir

[Palli (IP-tala skráð) 10.9.2008 kl. 11:12]

En ef að maður tekur kreatín skammtinn sinn á morgnana eftir æfingu? Þarf maður þá að taka eitthvað meira til að seðja þörfini á amínósýrum eftir morgunæfinguna?

Er kannski ekkert sniðugt að vera að taka kreatín á morgnana? Sá einhvurstaðar að það skipti engu máli hvenær maður tæki það....

[Ragnhildur Þórðardóttir, 10.9.2008 kl. 14:13]

Kreatín er ekki amínósýra, það er myndað úr amínósýrunum glycine, arginine og methionine.  Þú mátt alveg bæta við BCAA fyrir og eftir æfingarnar.  Persónulega tek ég alltaf kreatín eftir lyftingaæfingu, þá man ég allavega eftir því, ég tek líka BCAA fyrir og eftir lyftingar og fyrir og eftir brennslu.  Ég geri ráð fyrir að þú sért ekki að lyfta á fastandi maga, enda vita lesendur síðunnar betur . 

[Palli (IP-tala skráð) 10.9.2008 kl. 14:59]

Nei að sjálfsögðu ekki. En takk kærlega fyrir leiðréttinguna, viskubrunnur þinn virðist ótæmandi

[Arnar G (IP-tala skráð) 10.9.2008 kl. 15:34]

Sæl Ragga

 Hvar fær maður þessar undratöflur og manstu hvað þær kosta?

 Hvernig er með aðrar fitubrennslutöflur t.d. Hydroxicut? Notar naglinn slíkt?

[Nanna (IP-tala skráð) 10.9.2008 kl. 15:39]

Hæ skvís! Guðrún H., kærastinn hennar og Elís Hólm eru með Brútalsport...  verður á www.betterbodies.is.  Þau eru komin með myspace síðu sem þú getur kiggað á í millitíðinni myspace.com/icelandicpro

[Ragnhildur Þórðardóttir, 10.9.2008 kl. 21:06]

Arnar G! Naglinn notar eingöngu brennslutöflur rétt fyrir mót, reyndar aldrei prófað Hydroxycut. Ég nota Lipo 6. Að mínu mati eru brennslutöflur gagnslausar nema mataræði og æfingar séu 100%. Til vinstri er gamall pistill um fitubrennslutöflur.

BCAA fæst t.d hjá Vaxtarvörum í Hfn, minnir að þær kosti í kringum 2000 kallinn.

Nanna! Takk fyrir þetta, kannast við parið úr Laugum. Kíki á síðuna.

Halldóra! Frábær árangur hjá þér kona góð!! Það er ólíklegt að þú náir af þér 7 kg á einum mánuði áður en þú ferð út, enda væri það óráðlegt því þá ferðu að ganga á massann. Stefndu frekar á c.a 4 kg áður en þú ferð út, það er raunhæft markmið.

[Palli (IP-tala skráð) 11.9.2008 kl. 11:16]

Ein spurning enn handa Naglanum:

Í síðasta settinu á æfinguni, ef að þú telur þig ná einu eða tveimur reps í viðbót við það sem að stendur á planinu, hvað gerir maður? Tekur maður endurtekningar þangað til að maður getur ekki meira eða á maður bara að fara algjörlega eftir bókinni? Ef að tilgangurinn er vöðvavöxtur...

[Harpa (IP-tala skráð) 11.9.2008 kl. 19:41]

langar svo að forvitnast... þekkir þú Betagen (EAS) og ef svo er hvað finnst þér um það, hefur það eitthvað frammyfir Kreatín (phosphagen hp), ef markmiðið er að auka vöðvamassa og ekki myndi skemma fyrir að minnka fitu í leiðinni

Kveðja Harpa

[Ragnhildur Þórðardóttir, 12.9.2008 kl. 07:51]

Palli! Þú þyngir lóðin ef þér finnst þú geta tekið 1-2 reps í viðbót. Þá geturðu kannski bara tekið 1-2 repsum minna en áður, en þú þarft að "overloada" vöðvana til að þeir stækki og styrkist, og með tímanum kemstu upp í fyrri repsafjölda. ÞYNGJA ÞYNGJA ÞYNGJA er gullna reglan í lyftingum.

Harpa! Ég hef sjálf aldrei notað Betagen svo ég get ekki svarað þér því miður. Ég nota alltaf bara hreint kreatín.

[Berglind (IP-tala skráð) 12.9.2008 kl. 08:04]

hvað er hægt að taka margra daga frí án þess að byrja að tapa áranginum?

[Ragnhildur Þórðardóttir, 12.9.2008 kl. 13:07]

Það er í lagi að taka 1-2 vikur, eftir það byrjarðu að tapa vöðvamassa.