3 dagar í mót

Naglinn hefur ákveðið að neikvæðnin sem ráðið hefur ríkjum undanfarna daga sé nú komin í verkfall. 

Hösbandið hefur þurft að hlusta á nokkur dramaköst um ósanngirni heimsins, lögbann á eigin skrokk og að hætt sé við þetta allt saman. Blendnar tilfinningar gagnvart þessu móti hafa fengið að synda um óáreittar í hausnum en nú verða það eingöngu bjartsýnin og jákvæðnin sem fá pláss í gráa efninu.

Naglinn ætlar að skemmta sér og hafa gaman á mótinu á laugardaginn, innan um frábærar stelpur sem hafa reynst Naglanum frábærlega og vera stolt af sjálfri sér. 
Naglinn er búin að gefa sig 100% í þetta og það er það sem máli skiptir. 

Þó að skurðurinn sé ekki eins og lagt var upp með í þetta skiptið, þá fer þessi undirbúningur í reynslubankann og verður tekið út úr honum fyrir næsta mót.  Sumum tekst að ná toppformi á sínu fyrsta og öðru móti, fyrir aðra tekur það lengri tíma að finna út hvað virkar á þeirra líkama og hvað ekki.  Því við erum svo langt frá því að vera "one size fits all" og í þessum bransa þarf oft að prófa margar aðferðir áður en markmiðinu er náð. 

Það þýðir ekkert að hugsa "hefði ég getað brennt meira, hefði ég getað byrjað fyrr, hefði ég getað borðað öðruvísi, hefði ég ekki átt að bæta svona miklu á mig í off-seasoninu....."  should have, would have, could have.... 

Það er svo mikilvægt að fara í gegnum allt undirbúningsferlið og læra af mistökunum og nýta sér þá reynslu fyrir undirbúning undir næsta mót.  Stefnan er tekin á páskamótið. 

Naglinn er á mun betri stað núna til að hefja undirbúning en síðast og vonast því til að verða betri um páskana.

Sjáumst á laugardaginn!

Athugasemdir

[Vala Árnadóttir (IP-tala skráð) 19.11.2008 kl. 13:32]

Frábært, vona bara að einhver sjónvarpsstöðin taki þetta upp þannig að við sem búum í Skurðum og Skerjum þessa lands fáum nú að sjá Goðið okkar í góðum gír.

Gangi þér sem allra best kæri Nagli, þú átt það svooooo..... skilið.

[Anna María (IP-tala skráð) 19.11.2008 kl. 13:50]

Þarna þekki ég þig . Hlakka til að sjá þig á laugardaginn, búið að æfa öskrin og greiða úr klappstýrudúskunum .

[Ragnhildur Þórðardóttir, 19.11.2008 kl. 15:14]

Vala! Ég held að þetta verði tekið upp og sýnt einhvern tíma eftir keppni. Var þannig allavega í fyrra á Sýn.

Júlli! Fyrir mér snýst þetta ekki um annað en að bæta sjálfa mig, ég á ekki roð í þessa köggla sem eru í mínum flokki.... ekki ennþá allavega .  Það verður bara stuð hjá okkur á laugardaginn.

Anna María! Það bjargaði mér að fá svona pep-up símtal í gær.  Fylltist baráttuanda og jákvæðni á eftir.  Takk elskan mín

[Jóhanna (IP-tala skráð) 19.11.2008 kl. 15:17]

Núna bíð ég bara spennt eftir að sjá myndir af þér á laugardaginn :) Gangi þér vel og ég og bumban hugsum til þín :):)

[M, 19.11.2008 kl. 16:01]

Frábært   Gangi þér vel.

[sas (IP-tala skráð) 19.11.2008 kl. 16:26]

Gaman að heyra að þú skildir ekki beila.  En aðalmálið er að sjá hvað virkar og hvað virkar ekki svo á þriðja,fjórða eða fimmta móti þá er búið að fínstilla allt því róm var jú ekki byggð á einu seasoni.  Gangi þér vel og hvernig sem fer þá ert ÞÚ sigurvegari

[nafna (IP-tala skráð) 19.11.2008 kl. 22:22]

It's official - þú ert núna nýja idolið mitt, flott að taka þessa línu á þetta ;) Gangi þér supervel um helgina!!

[Rakel (IP-tala skráð) 20.11.2008 kl. 09:23]

Gangi þér vel!

[Kata (IP-tala skráð) 20.11.2008 kl. 09:24]

Hlakka til að sjá þig sæta :)

[Ragnhildur Þórðardóttir, 20.11.2008 kl. 09:51]

Takk öll sömul fyrir falleg orð og pep-up *knús*

[Nanna (IP-tala skráð) 20.11.2008 kl. 10:29]

Góður pistill hjá þér og ætti að vera mörgum stelpum hvatning sem hefur alltaf langað til að vera með en ekki þorað að byrja! Einhversstaðar verður maður að byrja og ef maður fæðist ekki með köttgenin þarf maður einfaldlega að læra og leggja smá vinnu á sig ;)

[Hrund (IP-tala skráð) 20.11.2008 kl. 10:47]

Líst vel á þetta hjá þér, þú ert búin að standa þig ekkert smá vel og gaman að fylgjast með þér síðustu mánuðina Takk fyrir alla hjálpina, hún hefur reynst mér mjög vel og eftir að ég talaði við þig síðast fóru hlutirnir aftur í gang Sjáumst á morgun skvís...

[Fjölnir (IP-tala skráð) 21.11.2008 kl. 14:34]

Jæja, þá er komið að því!  Gangi þér ofboðslega vel!  Hafðu gaman af þessu! ;)

[Ragnhildur Þórðardóttir, 21.11.2008 kl. 14:46]

Takk fyrir það öll sömul.

Nanna! Þetta er auðvitað erfiðara fyrir suma, og tala nú ekki um okkur sem erum "clean". Þá er bara að læra af reynslunni og nota það á næsta móti.

Hrund! Frábært að allt fór að detta inn eftir að við töluðum saman. Hlakka til að sjá þig á sviðinu.

Fjölnir! Takk fyrir það. Allt að gerast, orðin elg-tönuð og hlakka bara til. Ætla að hafa gaman að þessu og skemmta mér. Þjálfast allavega í sviðsframkomu.

[Jón Brynjar (IP-tala skráð) 21.11.2008 kl. 16:07]

Hefði lesið bloggið þitt um smá hríð. Þú ert svo fróð um þessi mál og kemur skemmtilega orði að hlutnum. Þú ert mér hvatning. Gerir þetta af ástríðu og það er alltaf gaman þegar það fylgir með.

Ég hér með óska þér góðs gengis í keppninni um helgina, þú ert nú þegar sigurvegari í mínum augum

[Haukur Már (IP-tala skráð) 21.11.2008 kl. 18:25]

Gangi þér hrikalega vel.

[Mama G, 21.11.2008 kl. 21:02]

Gangi þér vel á morgun kona!

[sas (IP-tala skráð) 22.11.2008 kl. 10:04]

Gangi þér vel í dag

[Sesselja Fjóla Þorsteinsdóttir, 23.11.2008 kl. 01:23]

Koma svo....................

[Soffía, 23.11.2008 kl. 13:53]

Vonandi hefur þér gengið ofboðslega vel í gær