NEPA... hvad for noget?

Eftir komuna til Danaveldis hefur NEPA Naglans aukist til muna. Og hvad er det for noget?

NEPA er skammstöfun fyrir Non-Exercise-Physical-Activity og er einfaldlega öll hreyfing sem er framkvæmd utan skipulagðra æfinga.

Til dæmis að ganga eða hjóla frá A til B er dæmi um NEPA, og það gerir Naglinn eingöngu þessa dagana, enda engin sjálfrennireið í boði.
Á Klakanum ertu ekki maður með mönnum nema að eiga slíkt farartæki, enda verðurðu kalinn á höndum og fótum af því að fara á milli staða á tveimur jafnfljótum.

Hér í Kóngsins Köben er hjólandi og gangandi fólk í forgangi fyrir bílaumferð, og alls staðar eru risastórir hjólastígar við hliðina á akreinum. Enda er meirihluti borgarbúa sem fer sinna ferða á hjólfáki. Sem skýrir líklega að offituvandinn virðist ekki hafa náð fótfestu hér því það þarf virkilega að hafa fyrir því að finna feitt fólk.

Naglinn hjólar í ræktina, 10 mínútur hvora leið og það eru 20 mínútur aukaleg hreyfing á dag, margfaldað með 6 dögum, það gera heilar tvær klukkustundir af aukalegri hreyfingu á viku. Og það er fyrir utan allt annað labb, í búðina, niðrí bæ o.s.frv.

Öll aukaleg hreyfing á dag: þrífa húsið, slá grasið, fara út með hundinn getur aukið virkilega á brennslu hitaeininga yfir daginn. Manneskja sem vinnur á fótunum t.d hjúkrunarkonur og smiðir geta brennt meira á dag en sá sem vinnur skrifstofudjobb á rassinum en fer í 30 mínútna brennslu á dag.

Hugsum um NEPA og reynum að auka það eins og við getum.

Athugasemdir

[Guðrún Jóna (IP-tala skráð) 19.3.2009 kl. 13:35]

Þetta er einn af þeim mörgum hlutum sem ég elska við CPH...yndislegt að hjóla og labba um allt, sérstaklega þegar vorið er að koma!

Vertu í bandi ef þú vilt fá þér kaffibolla :)

kv. gjg ex fjarþjálfikúnni

[Óli Jóns (IP-tala skráð) 19.3.2009 kl. 13:54]

Synd hvað þessi hjólamenning hefur sniðgengið litla klakan okkar algjörlega.

Veistu hvar maður getur fundið upplýsingar um hvernig prótein matur inniheldur, hvort það sé soja eða mysuprótein? Er í leit að mysupróteinríkum mat svo að það sé hægt að draga úr fæðubótaefnum.

[Soffía (IP-tala skráð) 19.3.2009 kl. 15:11]

Þetta er svo satt og rétt.  Man eftir þessu síðan ég bjó úti enda gekk ég heilmikið og hjólaði þá.  Flutti svo heim aftur og gafst upp og fékk mér bíl nokkrum árum síðar. 

[Ragnhildur Þórðardóttir, 20.3.2009 kl. 07:22]

Guðrún! Ég er einmitt búin að hugsa svo mikið til þín síðan ég kom. Fór m.a.s í Fitnessdk í Frederiksberg í gær, ert þú ekki að æfa þar? Ég sendi þér meil og reynum að hittast.

Óli! Nei ég veit ekki um neinn lista sem sýnir hvers konar prótín er í fæðu. Annars held ég að þú fáir mysuprótín aðeins úr mysu eða prótíndufti. Ég er samt ekki alveg viss. Ég skal fara á stúfana og kanna þetta betur.

Soffía! Þegar ég bjó í UK þá hjólaði ég eða labbaði allt og það hrundu af mér kg, svo kom ég aftur heim til ÍS og gat ekki labbað í 5 mín út í búð. Svona er maður skilyrtur ;-)

[Ragnhildur Þórðardóttir, 20.3.2009 kl. 12:16]

Tak så meget Helgi. Einmitt það sem ég hélt ;-)

[Óli Jóns (IP-tala skráð) 20.3.2009 kl. 12:57]

Takk kærlega.
En Helgi, ef ég man rétt þá skrifaðir þú hérna einhverntíma að þú drykkir fjörmjólk eftir æfingu til að fá fljótlosandi kolvetni ekki rétt? Ef svo er hvað drekkurðu þá mikið og drekkuru það bara eða færðu þér eitthvað meira með sem post-workout máltíð?

[karen (IP-tala skráð) 21.3.2009 kl. 04:30]

Sæl mig langaði til þess að sp þig hvernig er best að æfa til þess að losna við einsog margar konur segja bingóvangina sína/handlegjina sem lafa?

og ert þú að nota einhverjfæðubótaefni t.d einsog prótein og fitubrennslutöflur?

takk annars fyrir góða og skemmtilega síðu:)

[Ragnhildur Þórðardóttir, 21.3.2009 kl. 13:39]

Karen! Takk fyrir hrósið og innlitið.

Dýfur og skull-crusher eru bestu æfingarnar til að byggja upp kjöt á þríhöfðanum (bingóvöðvinn). En það er mataræðið sem losar þig við fituna sem liggur ofan á. Þú getur gert æfingar út í hið óendanlega, það er hins vegar það sem þú gerir við matarborðið sem mun losa þig við fituna. Ekki falla í gryfjuna að reyna að "spot reduce" þ.e losna við fitu á einu svæði með óeandanlegum æfingum fyrir það svæði.

Ég nota próteinduft allt árið um kring, en fitubrennslutöflur eingöngu fyrir mót. Það er linkur til vinstri á grein um fitubrennslutöflur.

[Fjolnir G (IP-tala skráð) 21.3.2009 kl. 17:01]

Labb í og úr vinnu og á vinnustaðnum er ótrúlega vanmetin kaloríubrennsla.