Mind-fuck

Það er til hugarástand sem Naglinn kallar "mind-fuck". Það er þegar lítill púki sest á öxlinaog hvíslar syndsamlegum hugsunum um mat í eyrað á þér, hvort þig langi nú ekki í ís í góða veðrinu, eina með öllu eftir sundið, pizzu í þynnkunni o.s.frv.  Hvað með það þó það sé bara þriðjudagur og þú svindlaðir um helgina.

    

Þáhefst alls kyns hugarleikfimi sem felst í sjálfsblekkingum að þetta sé nú ílagi svona einu sinni þó það sé ekki nammidagur, ég verð bara extra dugleg(ur)í ræktinni í vikunni, ég á þetta nú skilið....

Naglinn er mannlegt kvikindi einsog hinir, og hefur alveg glímt við sitt "mind-fuck" þegar viðbjóðurinn á kjúlla og spínati nær hámarki. En Naglinn er mjög "anal" og lítur á það sem alvarlegan glæp gegn mannkyninu að svindla þegar það er ekki leyfilegt. 

Þannig að þegar slíkar saurugar hugsanir sækja á gráa efnið, þá fer Naglinn í vopnabúr sitt af mótrökum og baráttan hefst. 

Naglinn er með ofátsgræðgisröskun og veit nákvæmlega hvað gerist þegar bragðlaukarnir fá sýnishorn af sukki, allar hömlur fjúka út íveður og vind.  Naglinn veit líka nákvæmlega hverjar líkamlegu og andlegu afleiðingarnar eru af óskipulögðu svindli. Líðanin er ömurleg, feitan og ljótan á lokastigi, samviskubit á stærð við steppur Síberíu, bumba og þrútnir þjóhnappar þrýstast út í fötin sem eru öll mun þrengri fyrir vikið , þrútnir fingur, tær og smettið eins og tungl í fyllingu.

 

 Naglinn veit líka betur en svo að einhver 1-2brennsluæfingar í vikunni geti unnið á móti sukki og svínaríi.  Mataræðið er það sem skiptir máli til að losna viðspekið.  

Naglinn þarf líka að standa skil á mælingum hálfsmánaðarlega, alveg eins og sínir eigin kúnnar.  Næsta mæling er þannig alltaf í huga Naglans, og metnaðurinn til að stíga skref áfram í hvert skipti, en ekki afturábak né standa í stað, sigrar allan gómsætan mat undir sólinni.

 

Með allar þessar hugsanir að vopni sigrar Naglinn sitt eigið mind-fuck og púkinn á öxlinni lyppast örendur niður.

 

Nothing tastes as good as looking good does.... og þegar árangurinn kemur í ljós verður maður svo stoltur af eigin staðfestu og dugnaði sem til lengri tíma litið styrkir góðar matarvenjur í sessi.

Athugasemdir

[Fannar Karvel (IP-tala skráð) 30.4.2009 kl. 21:51]

Verð að segja, frænka sæl, að þú ert heljar snillingur. Við söknum þín héðan af klakanum :D

[Dyggur lesandi (IP-tala skráð) 1.5.2009 kl. 09:55]

Vá hvað það var nákvæmlega þetta sem ég þurfti á að halda í morgunsárinu - Takk fyrir mig :-)

[Ragnhildur Þórðardóttir, 1.5.2009 kl. 12:20]

Ástkær frændi. Hjartans knús fyrir hrósið. Sakna ykkar sömuleiðis en ekki veðursins samt... 20° og sól alla daga hér B -)

Dyggur lesandi. Takk sömuleiðis fyrir innlitið og kvittið ;-)

[Adda (IP-tala skráð) 1.5.2009 kl. 20:29]

Helvíti góð! það er betra að sigrast á púkanum heldur en að glíma við sjoppufæðið sem er komið í lýsisform á rassgatið :)

[Ragnhildur Þórðardóttir, 2.5.2009 kl. 11:37]

AMEN SISTAH. Hefði ekki getað orðað þetta betur sjálf ;-)

[Kristjana Birgisd. (IP-tala skráð) 2.5.2009 kl. 13:54]

Arrrrg þekki þannan púka alltof vel og leyfi honum alltof mikið að hringla í mér

[Ingunn L (IP-tala skráð) 2.5.2009 kl. 15:38]

Þú ert æðisleg með þessar lýsingar, maður bara deyr úr hlátri, en vááá hvað ég kannast við þetta.  Þurfti einmitt á þessu að halda núna,að lesa þetta, komin laugardagur og þvílíkur púki sestur á öxlinni á manni