Af hverju ekki nammidagar með ZERO bumbu??

Alltaf jafn gaman á mánudögum, eða þannig....Rassinn er heldur sunnar en hann var fyrir helgi, og bumban skríður yfir buxnastrenginn.  Franska súkkulaðikakan og fleiri ljúffengar veitingar í matarboðinu runnu einum of ljúflega niður á laugardagskvöldið.  Að sjálfsögðu tók græðgin öll völd eins og vanalega og það var nartað svolítið í leifarnar á sunnudaginn yfir síðasta þættinum af Prison Break. Hann endaði nú ekki alveg nógu vel fyrir Scofieldinn minn.  Nú bíður maður bara spenntur hvort að það komi ekki 3. sería, allavega gaf endirinn það til kynna.

Ég skráði mig til keppni í Þrekmeistaranum í morgun, svo nú verður allt gefið í botn enda ekki nema 12 dagar til stefnu.  Ég verð hæstánægð með að bæta tímann minn frá því í haust, en annars ætla ég ekki að vera með neinar yfirlýsingar um hvert takmarkið er, því þá lít ég bara illa út ef það næst ekki.

Armbeygjurnar eru ennþá slappar hjá mér, en þessir spaghettí handleggir mínir linast bara upp eftir 15-20 armbeygjur og geta bara ekki meir nema að hvíla smá stund.  Þetta fer ekki lítið í taugarnar á mér og ég þrjóskast bara á móti þar til ég get ekki meir .   

Hins vegar hef ég bætt mig talsvert bæði á róðravélinni og á þrekhjólinu en eftir að ég byrjaði að æfa í Klassanum hef ég tekið þessi tvö tæki á hverjum degi.  Vonandi vinna þau á móti slappleikanum í armbeygjunum .

Athugasemdir

[hrannar (IP-tala skráð) 23.4.2007 kl. 14:44]

ég mæli með nitro tech til að auka armbeygjurnar, gagnaðist mér vel en kannski of seint því það eru bara 12 dagar í mót.

[Ragnhildur Þórðardóttir, 24.4.2007 kl. 13:27]

Takk fyrir þessa ábendingu en ég er búin að vera á EAS kreatíni í langan tíma og hef aukið alhliða styrk allverulega síðan ég byrjaði á því, en ég held að slappleikann í armbeygjunum megi að mestu leyti rekja til skorts á æfingu í þeim .  Nú verða það armbeygjur á hverjum degi fram að móti..... vonandi ekki of seint í rassinn gripið.

[Eibí (IP-tala skráð) 24.4.2007 kl. 17:50]

TAKK fyrir ÆÐISLEGT matarboð.. :) þvílíkt og annað eins.. greinilega ósýnilegur vínkjallari í Hlíðunum..! Stefnum að þessu aftur sem fyrst.. Gangi þér vel að æfa fyrir mótið frk. duglegust! :D

[Ragnhildur Þórðardóttir, 24.4.2007 kl. 20:47]

Hey skvís, takk kærlega fyrir síðast sömuleiðis. Mikið var gaman hjá okkur og þvílíkt magn innbyrt af mat og Guðaveigunum....úúúfff.... sem betur fer er vínskápur frú Lilju ansi drjúgur. Verðum endilega að endurtaka leikinn með sama hóp enda miklir stuðboltar á ferð.