Linur Nagli

Það hefur áður komið fram hér á síðunni að öl er böl enda örsjaldan sem Naglinn teygar mjöðinn.
Það var þó gert á gamlárskvöld og galeiðan stunduð langt fram á nýársdagsmorgun.
Mataræði nýársdags verður ekki rætt hér, því Naglinn er á fullu að bæla þann dag og allar sjö billjón kaloríurnar niður í undirmeðvitundina.

Djammið, sykurinn, svefnleysið og ólifnaðurinn sagði líka aldeilis til sín í ræktinni í dag.

Brennslan í morgun fer í sögubækurnar sem sú slappasta og frammistaðan á brjóst-æfingu seinnipartinn var vægast sagt ömurleg.
Reyndar svo ömurleg að Naglinn upplifði martröð hvers lyftingamanns.
Átti ekki séns í síðasta repsið í bekkpressunni og enginn að spotta.
Með stöngina boraða ofan í nýársbumbuna lá Naglinn eins og hvalur á þurru landi og gat sig hvergi hrært og lítið andað.
Maðurinn í bekknum við hliðina miskunnaði sig yfir Naglann og bjargaði frá ótímabærum dauðdaga.

Blóðrauð af skömm og súrefnisskorti reyndi Naglinn að afsaka sig við manninn en skömmin var samt á stærð við Síberíu því salurinn var fullur af fólki sem vafalaust urðu vitni að þessu atriði.

Ætli Naglinn megi ekki búast við fullt af hæðnisbréfum inn um lúguna næstu daga.

Athugasemdir

[bara ég (IP-tala skráð) 2.1.2008 kl. 19:49]

sæl mig langaði að forvitnast..það eru svo margir sem stíflast af prótein inntöku...veistu um eitthvað sem hægt er að gera við því ??

[Fannar Karvel (IP-tala skráð) 2.1.2008 kl. 21:31]

Ég er nokkuð viss um að þó þú frænka góð hafir lent í smá klikki í dag þá er ég nokkuð viss um fólkið sem var að horfa hefur átt þó nokkur svona klikk

Við ofurmennin verðum að eiga svona daga af og til svo venjulega fólkið sjái að við erum bara mannleg

[Óla Maja (IP-tala skráð) 2.1.2008 kl. 22:30]

Jahérna elsku Naglinn minn. Ég held að ef einhver hefur verið að fylgjast með þér þarna í ræktinni og hlakkað yfir óförum þínum, þá er ástæðan líklega fyrst og fremst öfund yfir frábærri frammistöðu þinni á öðrum stundum  Mér finnst þú aftur á móti bara hetja að mæta yfir höfuð í ræktina í þessu "ástandi".

[Ester Júlía, 2.1.2008 kl. 22:58]

Elsku naglinn minn. Ég sá þig í ræktinni í dag og gerði mitt besta til að ná augnkontakti en alltaf fórum við á mis. Isssss..þú brennir burt sykrinum á no-time..eins dugleg og þú nú ert! Og þú lítur rosalega vel út! Og það eiga allir við sama samviskubitið að glíma eftir hátíðirnar, ég er ekkert skárri sko..nema síður sé. Ætla ekkert frekar en þú að ræða hvað ég hef hesthúsað miklu síðasta mánuðinn! Og nú er bara að taka á honum stóra sínum og byrja upp á nýtt - ekki satt?! GLEÐILEGT ÁR OG ÁRAMÓTAKNÚS!!!!

[Óla Maja (IP-tala skráð) 3.1.2008 kl. 00:01]

Smá pæling; um daginn skrifaðir þú að þú hefðir "verið feit einu sinni"... hvað segir þú um þessar vangaveltur fólks í sambandi við "umfram skinn"? Held að það sé aðallega vandamál ef fólk léttist mikið/hratt en sumir segja að húðin jafni sig aldrei og því sé skurðaðgerð eina leiðin á meðan aðrir halda því fram að ef þú bara kemst í fantaform þá fylgi húðin með!? Rakst t.d. á þessa lesningu; http://www.bodyfatguide.com/LooseSkin.htm

[Ragnhildur Þórðardóttir, 3.1.2008 kl. 10:48]

Þakka þér fyrir tipsin Helgi, en ég nota aldrei klemmur yfirhöfuð.  Það neyðir mann til að hafa stöngina beina allan tímann í lyftunni.  Ég lenti einu sinni í því sama þegar ég bjó í UK og reddaði mér einmitt út úr því með því að velta lóðunum af.  Maður er samt eins og hálfviti í öllu því veseni .

Ester! Sorrý að ég hafi ekki tekið eftir þér í gær.  Ég hef einmitt oft verið skömmuð fyrir að taka ekki eftir fólki í ræktinni, er alveg hrikalega einhverf alltaf á æfingu og fókusa bara á lóðin og tek ekki eftir fólkinu í kringum mig. 

Fannar! Takk fyrir hughreystinguna, við erum auðvitað ofurmenni og ofurmennin verða víst líka timbruð og mygluð .

Óla Maja! Ég hef sáralitla þekkingu á "umfram skinni", lenti ekki í því sjálf þegar ég grenntist.  Eina sem ég hef heyrt er að því eldri sem maður er þegar maður grennist því erfiðara er að fá húðina til að fara til baka því hún missir teygjanleikann með árunum.

bara ég! Ef þú stíflast þá ertu ekki að borða nóg af trefjum.  Passaðu að borða nóg af trefjaríku grænmeti eins brokkolí, blómkáli, zucchini, aspas, spínati og hörfræjum.  Eins er gott að bæta smá Husk við mataræðið, en það eru bara trefjar og fæst í apótekum.  Trefjar hreinsa til í ristlinum og hjálpa til við meltingu.