Tími til að verða stór og sterkur

 

Naglinn er hættur að gráta í koddann sinn yfir þrengri brókum og peysum, vaxandi vömb og ástarhandföngum. 

Naglinn las nefnilega pistil eftir bandaríska konu að nafni Jen Heath, sem er vel sjóuð í fitnessbransanum og keppir oft. 

Jen Heath

Hún segir að það sé partur af programmet að verða mjúkur á meðan er verið að byggja sig upp og maður eigi ekki að pæla í því heldur einblína á það frábæra sem gerist á þessu tímabili, nefnilega að verða stærri og sterkari.  Að geta aukið þyngdirnar eða repsin nánast á hverri æfingu og sett ný met nánast í hverri viku og finna vöðvana stækka sé bara "priceless".  Naglinn hefur einmitt verið að þyngja í nánast öllum líkamshlutum undanfarnar vikur og finnur mikinn mun á styrk, úthaldi og vöðvamassa. 

 

Jen Heath segist fara úr stærð 26 upp í 30 í gallabuxum og þyngjast um 5-10 kg "off season".  Athugið að það sem kallast hér "off-season" á ekki bara við um keppendur í fitness og vaxtarrækt, heldur er um að ræða tímabil þar sem fólk er að byggja upp vöðvamassa með því að borða meira og lyfta þyngra og meira.
Jen Heath segist borða eins og skepna og svindla um hverja helgi þegar hún er "off-season".  Þetta sé tíminn til að stækka og verða sterkari og því þurfi að næra sig vel.  Það er það sem skiptir máli fyrir næsta niðurskurðartímabil.  Meiri vöðvamassi þýðir betri skurður.  Það er óhjákvæmilegt að missa einhvern vöðvamassa í niðurskurði og því er betra af hafa sem mest af honum. 

Naglinn er örugglega búinn að bæta á sig 5-7 kg síðan í keppninni í nóvember, það eru samt ekki allt vöðvar, mörinn er víst mættur líka.  Það er víst óhjákvæmilegt að þegar hitaeiningar eru keyrðar upp að bæta á sig fitu samhliða því að bæta á sig vöðvamassa.  Í fullkomnum heimi færi hver einasta hitaeining í að byggja upp vöðva og í líkamsstarfssemi.  En því miður er það ekki svo, og umfram magnið fer á maga, rass og læri. 
Naglinn er kominn með bakspik sem gubbast yfir buxnastrenginn og vömb út yfir öll velsæmismörk, enda  kölluð núna Hómer á heimilinu. 

Megrun á uppbyggingartíma er hins vegar ekki góð hugmynd að mati Jen Heath, því þetta sé tíminn til að keyra grunnbrennslu líkamans upp með því að borða vel og auka vöðvamassann. 
Megrun í "off-season" gerir ekkert annað en að keyra brennsluna niður og við endum í einhverjum vesælum 800 kaloríum í niðurskurði sem er ekkert annað en viðbjóður. 
Að auki er það nánast ómögulegt að bæta á sig kjöti þegar líkaminn fær ekki nóg að bíta og brenna. 

Að vera í megrun allan ársins hring er ekki hollt fyrir líkamann og gerir ekkert annað en að eyðileggja brennsluna. 

 

Borða, lyfta, hvíla, borða, lyfta, hvíla, borða, lyfta, hvíla.....er það sem málið snýst um hjá Naglanum núna.... skítt með ástarhandföngin og Hómer bumbuna

 

 

 

Athugasemdir

[ingunn (IP-tala skráð) 6.3.2008 kl. 17:39]

Þvílíkt sem ég hafði gott af því að lesa pistilinn hennar á netinu sem þú bentir mér á.  

Hún er náttúrulega bara snillingur hún Jen okkar. Hún er mjög reyndur keppandi og þjálfari og á auk þess 4 krakkagemlinga. Sýnir sko og sannar að margra barna mæður geta verið í afbragðs formi. :)

Ég held það séu komin ein 8 kg hjá mér frá síðasta móti. Þyngdirnar náttúrulega rjúka upp fyrir vikið. Því miður bauð þó einhver ástarhandföngunum, stærri maga og stærri rass í partýið líka. Ekki var það ég. :) 

[Nanna (IP-tala skráð) 6.3.2008 kl. 17:53]

Ef maður ætlar sér eitthvað áfram í þessu sporti verður maður bara að sætta sig við off season tímabilið!  Ég stefni á að þyngjast um 10kg eftir mótið!  Þá verður keyptur off-season fataskápur og on-season pakkað niður!  Það verður sko ekki leiðinlegt! ;)

 Kíki hérna inn á hverjum degi! þú ert rosalega góður penni!!!

[Ragnhildur Þórðardóttir, 7.3.2008 kl. 09:58]

Ingunn! Já hún er algjör snillingur þessi kona, og Olesya líka.  Við þurfum á svona "pepp talk" að halda til að við hættum þessu væli okkar yfir hnakkaspiki og bumbu. 

Nanna! Takk fyrir hrósið . Þú ert sjálf algjör snillingur enda reynslubolti í þessu öllu saman og kemur okkur vælukjóunum í skilning um raunveruleikann í sportinu.

Gangi þér vel á lokasprettinum.

[M, 7.3.2008 kl. 10:08]

Guð hélt eitt augnablik þetta vera mynd af mér

[Guðrún Helga (IP-tala skráð) 7.3.2008 kl. 10:51]

Hæ Ragga

Má ég setja þig inn sem link á síðuna okkar?

Guðrún Helga

[Ragnhildur Þórðardóttir, 7.3.2008 kl. 10:55]

Blessuð M.  Já þetta er bara ansi líkt þér.

Guðrún Helga!  Já ekki spurning.  Hvaða síða er þetta annars? 

[Guðrún Helga (IP-tala skráð) 7.3.2008 kl. 11:44]

Þetta er hópur fólks úr ólíkum áttum  sem á það sameiginlegt að æfa í Sporthúsinu fyrir þrekmeistarann í apríl.  Slóðin okkar er  http://www.blog.central.is/workout.  Frábærir pistlar hjá þér alltaf hreint!!  Guðrún Helga

[Ragnhildur Þórðardóttir, 7.3.2008 kl. 13:13]

Heyrðu bara glæsilegt að setja link á Naglann inn á síðuna.  Ánægð með ykkur!! Ég fæ kannski að linka inn á ykkur líka?  Hvernig gengur annars að æfa?  Hvernig eru helv... armbeygjurnar og uppseturnar?  Ertu ekki orðin spennt?  Þetta er svo ótrúlega skemmtilegt... erfitt og viðbjóður á meðan, en ómetanleg tilfinning að klára þetta dæmi.  Þú ert algjör hetja!

[Guðrún Helga (IP-tala skráð) 7.3.2008 kl. 14:27]

ó það væri sannur heiður og ánægja ef þú settir link á okkur.  Æfingarnar ganga massa vel þó stundum líði mér eins og ég sé tómt drasl, sérstaklega á meðan crossfit æfingunum stendur og ég byrja að efast um að ég eigi erindi í keppnina. Uppseturnar eru fínar en apahandleggirnir eru ekki alveg að gera sig í armbeygjunum, #$%#$% æfa, æfa, æfa og þá hlýtur þetta að koma að lokum. ....

Ef þú lumar á góðum ráðum eru þau vel þegin.

[Ragnhildur Þórðardóttir, 7.3.2008 kl. 14:47]

Eina ráðið er þetta leiðinlega .... æfa æfa æfa og borða vel til að keyra æfingarnar áfram. 

Taktu armbeygjur á hverjum degi, eins margar og þú getur í 3 - 4 sett, lyfta þungt á efri partinn til að styrkja vöðvana sem þú notar í þær.  Þú átt sko fullt erindi og meira en það í þessa keppni.... og ekkert kjaftæði neitt!!!