Naglinn á breskri grund

Góðan og blessaðan alle sammen.

Afsakið þögnina en Naglinn dvaldist í höfuðstað þeirra Englendinga um liðna helgi og var fjarri tækninni um stund.

Auðvitað var tekið á því í Lundúnaborg, og ásamt hamagangi í ríkisræktinni ákvað Naglinn að prófa Fitness First stöð sem er nýopnuð rétt hjá heimili NaglaSys til þess að taka fótaæfingu enda allt til alls þar fyrir slík átök: Hnébeygjur og dedd.

Í þetta skiptið er Naglinn því með tvær ræktarsögur, enda alltaf gaman að æfa þegar stóreygðir og opinmynntir Tjallar eru í kring. 

Í ríkisræktinni spurði Naglinn einn meðlim hvort lóðin væru pund eða kg.  
Félaginn svaraði að lóðin væru pund, og benti svo á kettlingaþyngdirnar og sagði: "Þú þarft því að deila með cirka 2 til að fá út þyngdina."  
Svipurinn á kauða var "priceless" þegar Naglinn pikkaði upp 50 pundin úr þunga rekkanum og tók pressu með lóð. 
Eftir annað settið kom hann yfir og sagði: "Ég hef aldrei séð konur lyfta þessari þyngd, ekki einu sinni þegar hér var "heavy weights room" í gamla daga."  

Í Fitness First borgaði Naglinn sig inn, og stúlkan í afgreiðslunni dró upp tímatöflu og hóf að þylja upp fyrir Naglann hvaða tímar væru u.þ.b að byrja. 
Naglinn hló í huganum, enda væri hægt að setja video af Naglanum í tíma á YouTube og ná miklum vinsældum.
 
Naglinn tjáði afgreiðsludömunni að stefnan væri eingöngu tekin á lóðin. 
Hún hváði við og sagði: "Ohh, are you a bodybuilder?" 
Naglanum fannst þetta nokkuð kómískt, að gera ráð fyrir að allt kvenfólk sem lyftir séu í vaxtarrækt.  Þessi athugasemd stúlkunnar sagði Naglanum meira en mörg orð um hegðun breskra kvenna í líkamsræktarstöðvum. 
Það tók svo steininn úr þegar inn var komið og beygjurnar hamraðar, að þá komu tveir helmassaðir blökkumenn til Naglans og sögðust aldrei hafa séð konu í tækjasalnum, hvað þá að taka beygjur og hvað þá svona þungt.  Enda var Naglinn eina estrógen eintakið í salnum innan um haug af karlmönnum. 

Það er greinilegt að breskar kynsystur Naglans þurfa að fara að hysja upp um sig spandex brækurnar og koma sér af skíðavélinni og inn í sal að rífa í járnin. 

Athugasemdir

[Eva (IP-tala skráð) 8.7.2008 kl. 18:53]

hahaha já það er merkilegt hvað sumar konur eða stelpur þora ekki að koma nálægt lóðum. Ég lenti einmitt í smá rökræðum við einn "gáfaðan" frænda en þegar ég nefndi hvað það væri gott að lyfta og hversu kellingarnar yrði flottar með stinna kúlurassa heyrðist bara "ojjjjj massaðar kellingar, mér finnst ljótt þegar kellingar eru eins og Hulk" ....

Þær þyrftu nú að taka inn stera til þess.. hmm..

En allavega samræðurnar héldu áfram og var hann að tala um hversu helmassaður hann var þegar hann var úti að skokka í gamla daga, með geðveika upphandleggvöðva því það tekur svo á hendurnar að sveifla þeim fram og tilbaka...

ég átti ekki til orð.... hah

Kv Eva 

[Ragnhildur Þórðardóttir, 8.7.2008 kl. 21:27]

En ógeðslega fyndið... ég skellti upp úr við að lesa um mössuðu bíseppana af öllum sveiflunum í hlaupunum. Það væri gaman að hitta þennan frænda þinn og spjalla aðeins við hann um lyftingar. KONUR VERÐA EKKI RISASTÓRIR VÖÐVAHLUNKAR VIÐ AÐ LYFTA!!!! HLAUP GETA EKKI BYGGT UPP BYSSURNAR!!! Hann er greinilega ekki alveg með þetta á hreinu grey kallinn.

[Nanna (IP-tala skráð) 9.7.2008 kl. 09:15]

Mér finnst alveg fyndið hvað konur eru hræddar við lóð!  Konur eru bara ekki þannig gerðar að þær verði að Hulk yfir nótt ;)  Konur eiga að hafa línur, það er bara töff!!!